Qanunları pozduğu iddia olunmuş şirkətin fəaliyyətinin dayandırılmasına qərar verildiyi bildirilir

Qanunları pozduğu iddia olunmuş şirkətin fəaliyyətinin dayandırılmasına qərar verildiyi bildirilir

Qanunları pozduğu iddia olunmuş şirkətin fəaliyyətinin dayandırılmasına qərar verildiyi bildirilir

2021-ci ilin Fevral ayında dövlət qeydiyyatına alınmış və 3 milyon 998 min 326 manat nizamnamə kapitalına malik olan "Freedom Finance Azerbaijan" ASC-nin fəaliyyətinin dayandırılmasına qərar verildiyi iddia olunur.

Marja.az-a verilən məlumata görə, Şirkətin Xətai rayonu, Xocalı prospekti 37-də "Dəmirçi" iş mərkəzində yerləşən ofisi bağlıdır, şirkətin telefonlarına edilən zənglərə cavab verilmir.

VTB-də yüksək depozit faizləri daha çox qazandırır

"Freedom Finance Azerbaijan" ASC-nin işçilərini də ixtisar etdiyi, müqavilələrə xitam verdiyi bildirilir.

Marja.az şirkətin əlaqə vasitəsinə zəng etdi. Lakin nömrə daxil olan zəngləri qəbul etmir. Eyni zamanda şirkətin internet səhifəsi də düzgün çalışmır.

Bəzi şəxslər tərəfindən iddia olunur ki, "Freedom Finance Azerbaijan" vasitəsilə yatırdıqları sərmayəni itirə biləcəklərindən narahatdırlar. Qeyd edək ki, "Freedom Finance Azerbaijan" şirkətinin investisiya xidmətlərinin göstərilməsi üçün lisenziyaları mövcud deyil, əgər şirkətin belə bir fəaliyyəti olmuşsa, qanunsuzdur.

HƏMÇİNİN OXU: Mərkəzi Bank "Freedom Finance Azerbaijan" şirkəti barədə iddialara münasibət bildirdi

Bir müddət əvvəl birja və investisiya sahələri üzrə ödənişli təlim xidmətləri göstərdiyini bəyan edən "Freedom Finance Azerbaijan" ASC-nin fəaliyyəti barədə bir sıra iddialar ortaya çıxmışdı. Yerli saytlardan birində dərc olunmuş jurnalist araşdırmasında bildirilirdi ki, ABŞ-da təşkil olunmuş "Freedom Holding Corp."a (FRHC) bağlı olan "Freedom Finance Azerbaijan" şirkətindən xidmət aldıqları və xidmətdən narazı qaldıqları, vəsaitlərinin alınmasında çətinlik çəkdikləri, onlardan əsassız xərc və rüsumlar alındığı barədə bir sıra şəxslərdən şikayətlər eşidilir. Araşdırmada vurğulanırdı ki, şirkətin çoxlu onlayn və oflayn reklamlarında çağırışlar əslində təlimlər ilə bağlı deyil, daha çox brend tanıtma və əsas investisiya xidmətlərini satmaq üçündür.

"Freedom Finance Azerbaijan" ASC-nin direktoru Vüsal Məmmədov iddialar ilə əlaqədar Marja.az-ın suallarına cavab verməyib.

Həmçinin oxu

"Freedom Finance Azerbaijan" şirkəti qanunu pozub, lisenziyasız fəaliyyət göstərib? - AÇIQLAMA

22.09.2023 15:31

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az