"Bank Standard”ı müflis etmiş şəxslər bu gün də banklarda təmsil olunur”

"Bank Standard”ı müflis etmiş şəxslər bu gün də banklarda təmsil olunur”

"Bank Standard”ı müflis etmiş şəxslər bu gün də banklarda təmsil olunur”

"Ləğvetmə prosesində olan “Bank Standard” QSC-yə kredit borcu olanlarla bağlı məhkəmələrdə 200 mln. manatlıq iddia qaldırılıb".

Bunu Bankın bu gün keçirilən Kreditorlar Komitəsinin iclasında qurumun sədri Əkrəm Həsənov deyib.

VTB-də minimal faiz dərəcəsi ilə nağd kredit 9.9%-dən

“Halbuki Bankın kredit portfeli 741 mln. manatdır. Belə çıxır ki, qalan təxminən 500 mln. manatlıq borc üzrə vaxtında ödəniş edilir. Əgər belədirsə niyə ləğvetmə üzrə ələ gələcək yekun məbləğ 195 mln. manatdır?” - o bildirib.

İclasda iştirak edən “Bank Standard”ın ləğvedicisi - Azərbaycan Əmanətlərin Sığortalanması Fondunun (ADIF) icraçı direktorunun müşaviri Elşən Kərimov isə deyib ki, bütün verilmiş kreditlərlə bağlı eyni vaxtda məhkəməyə müraciət etmək texniki baxımdan mümkün deyil:

“Ləğvedici ötən ilin oktyabr ayından işə başlayıb, kredit portfeli isə böyükdür. Hazırda xeyli sayda iş var ki, onlarla bağlı məhkəməyə müraciət üçün hazırlıq gedir. Buna görə də ləğvetmə üçün 2019-cu ilin sonuna qədər müddət müəyyən edilib”.

Bundan başqa, Ə.Həsənov qeyd edib ki, vaxtilə “Bank Standard”ın rəhbərliyində təmsil olunmuş şəxslər bu gün də bank sektorunda təmsil olunur, vəzifə tutur:

“Bu məsələdə məsuliyyət təkcə Bankın İdarə Heyətinin beynəlxalq axtarışa verilmiş keçmiş sədri Səlim Krimanın üzərinə düşmür. Bankın vəziyyətinin pisləşməsinə görə bütün keçmiş menecment cavabdehdir. Halbuki həmin şəxslərin bir qismi bu gün banklarda rəhbərlikdədir. Həmçinin, Azərbaycan Mərkəzi Bankı da buna görə məsuliyyət daşımalıdır. Əgər bu qurumun vəzifəli şəxsləri “Bank Standard”da vaxtında normal yoxlama aparıb, qanun pozuntularına göz yummasaydı, indi Bankın vəziyyəti bu qədər pis olmazdı”.

İclas davam edir.

27.07.2017 14:37