Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Dünən ABŞ-da açıqlanan inflyasiya məlumatlarının qarışıq siqnallar verməsindən sonra dünya birjalarında, xüsusilə major valyuta cütlüklərində üfüqi dalğalanma müşahidə olunur.

Dərc olunan məlumatlara görə, ABŞ-da İstehlak Qiymətləri İndeksi (CPI) avqust ayında ehtimal olunduğu kimi aylıq müqayisədə 0.6%, illik müqayisədə isə proqnozlaşdırılandan daha çox - 3.7% artıb. Aylıq müqayisədə bazar proqnozlarına uyğun olaraq artan CPI, 2022-ci ilin iyun ayından bəri ən böyük artımı qeyd etdi.

VTB-də minimal faiz dərəcəsi ilə nağd kredit 10.49%-dən

Eyni dövrdə, dəyişən enerji və ərzaq qiymətlərinin nəzərə alınmadığı İstehlak Qiymətlərinin Baza İndeksi aylıq müqayisədə 0.3%, illik müqayisədə isə 4.3% artıb. Sözügedən dövrdə baza inflyasiyası illik əsasda 2021-ci ilin sentyabrından bəri ən aşağı səviyyəsini qeyd edib. Baza inflyasiyası aylıq müqayisədə proqnozların üzərində açıqlansa da, illik baza inflyasiya ehtimal olunduğu kimi dərc edilib.

İnflyasiya göstəricilərinin dərcindən sonra valyuta bazarlarında qiymətlər FED-in gələn həftə keçiriləcək iclasında uçot faiz dərəcəsini sabit saxlama ehtimalının 97% olduğunu proqnozlaşdırmağa davam edir.

Nəticədə EUR/USD məzənnəsi 1.0720 - 1.0760, GBP/USD məzənnəsi isə 1.2450 - 1.2500 aralıqlarında üfüqi dalğalanmalarını davam etdirirlər. günü müvafiq olaraq 1.0750 və 1.2490 hədlərində tamamladılar. Əgər “buğalar” qiymətləri 1.07$ və 1.25$ həddlərinin üzərində saxlaya bilsələr, korrektiv artımlar bir qədər uzana bilər.

Bu gün isə Avropa Mərkəzi Bankının faiz qərarı valyuta birjalarında qiymətlərin formalaşmasında mühim rol oynaya bilər. AMB sürpriz faiz artımına gedərsə, bu avroda buy tendensiyasının qalıcılıq qazanmasına dəstək ola bilər.

Gün ərzində həmçinin Amerikada açıqlanacaq İstehsal Qiymətləri İndeksi, pərakəndə satış dövriyyəsinin həcmi və işsizlik müavinatı üçün ilk dəfə müraciət edənlərin sayı kimi önəmli iqtisadi göstəricilər də investorların diqqət mərkəzində olacaq.

Məlumat İnvest-AZ İnvestisiya Şirkətinin analitiklərin tərəfindən hazırlanıb.

14.09.2023 10:37

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az