E-taxes.gov.az portalına kod-parol əvəzinə SİMA Token ilə daxil ol!

E-taxes.gov.az portalına kod-parol əvəzinə SİMA Token ilə daxil ol!

E-taxes.gov.az portalına kod-parol əvəzinə SİMA Token ilə daxil ol!

(®) 2024-cü il yanvarın 1-dən etibarən vergi ödəyicilərinin e-taxes.gov.az portalında elektron kabinetlərinə vergi orqanı tərəfindən verilmiş kod-paroldan istifadə etməklə daxil olmaq imkanları məhdudlaşdırılacaq. Vergi ödəyiciləri elektron kabinetə yalnız gücləndirilmiş elektron imza vasitələrindən istifadə etməklə daxil ola biləcəklər.

Bu dəyişikliyi nəzərə alaraq diqqətə çatdırmaq istəyirik ki, Rəqəmsal İnkişaf və Nəqliyyat Nazirliyinin (RİNN) tabeliyində olan “AzInTelecom” MMC tərəfindən yaradılmış SİMA Token gücləndirilmiş elektron imza vergi ödəyiciləri üçün rahat və təhlükəsiz giriş imkanı təqdim edir.

SİMA Token ilə e-taxes.gov.az saytında elektron kabinetə daxil olaraq bütün xidmətlərin icrasını həyata keçirmək mümkündür. Bura vergi bəyannamələrinin elektron qaydada təqdim edilməsi, “Əmək müqaviləsi Bildirişi”nin elektron qeydiyyata alınması, mal, iş və xidmətlərlə bağlı elektron qaimə-faktura göndərilməsi və digər elektron xidmətləri aid etmək olar.

Qeyd edək ki, SİMA Token “AzInTelecom” MMC-nin yaratdığı SİMA rəqəmsal həllər platformasına daxildir. İmza tələb edilən bütün sahələrdə tətbiqi mümkün olan SİMA Tokeni vətəndaşlar, hüquqi şəxslər, sahibkarlar və dövlət qurumları əldə edə bilərlər.

SİMA Token imza sertifikatı birdəfəlik ödəniş əsasında 3 illik verilir və aylıq ödənişə ehtiyac yoxdur. Üç iş günü ərzində hazır olan imza sertifikatının alınması zamanı vaxt itkisinin aradan qaldırılması məqsədilə token.sima.az saytı vasitəsilə onlayn müraciət imkanı mövcuddur. Həmçinin vətəndaşlar Bakı şəhərində Üzeyir Hacıbəyli küçəsi 72 ünvanında yerləşən Mərkəzi Poçt Şöbəsindən, bölgələrdə isə poçt şöbələrinə müraciət edərək SİMA Token əldə edə bilərlər.

İstifadəçilər SİMA Token imza sertifikatının itirilməsi, oğurlanması, texniki zədələnməsi hallarında, eləcə də digər çətinlik və suallarla əlaqədar “AzInTelecom” MMC-nin “157” Çağrı Mərkəzinə zəng edə bilərlər.

11.09.2023 10:32

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az