Cəlilabadda “Murano” sortuna maraq böyükdür, məhsullar Rusiyaya ixrac olunur

Cəlilabadda “Murano” sortuna maraq böyükdür, məhsullar Rusiyaya ixrac olunur

Cəlilabadda “Murano” sortuna maraq böyükdür, məhsullar Rusiyaya ixrac olunur

Cəlilabadda aqrar sektorda müasir texnologiyaların tətbiqi genişlənir. Son bir neçə ildə çiyələk becərilməsində tətbiq olunan innovasiyalar məhsuldarlığın artmasına, su və torpaq resurslarından daha səmərəli istifadə olunmasına, istehsalda maya dəyərinin aşağı düşməsinə müsbət təsir göstərir.

Rayonda yerli sahibkarların çiyələkçiliyin inkişafına marağı ilbəil artır. Təxminən ilin 9 ayı açıq əkin sahələrində becərilən çiyələk məhsulu, artıq payız fəslindən istixanalarda yetişdirilir. Hazırda rayonda yığımı davam etdirilən mühüm gəlirli sahə kimi dəyərləndirilən çiyələk sahələri 510 hektara çatdırılıb.

VTB-də yüksək depozit faizləri daha çox qazandırır

Fermer Aqil Bəşirov: “5-6 aydır ki, sahəmizdə çiyələk yığımı gedir. Biz 200 tondan yuxarı məhsul ixrac etmişik. Hazırda dövlətimizin dəstəyi nəticəsində yığdığımız məhsulları Rusiyanın şəhərlərinə ixrac edirik. Xaricdən gətirdiyimiz “murano” sortunu daha da inkişaf etdirmək, istixanalarımızda yeni sahələri artırmaq istəyirik. Hazırda məhsullarımızı Rusiyaya və ərəb ölkələrinə ixrac etmək üzərində işləyirik. Bizə digər ölkələrdən təkliflər də var. Bunun üzərində də işləyirik”.

Aqronom Aydın Musayev: “İki ildir çiyələk əkininə başlamışam. Xaricdən gətirdiyimiz İtaliya sortudur. “Murano” sortunu İtaliyadan almışıq, a+ deyilən bir sortdur. Çox gözəl, effektli bir sortdur. İkinci ildir əkirəm, çox gözəl məhsuldarlığı var. İndi bunu artırmaq fikrimiz var. İlin 9 ayı gözəl məhsul verir. Bazarda da üstünlüyü var. Alıcılar tərəfindən çox bəyənilmiş sortdur. Məhsuldarlığı da ildə 60-70 tondur. Şitil də özündən götürürük”.

21.08.2023 08:20

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az