Dollar/rubl məzənnəsi psixoloji əhəmiyyətli səviyyəni keçdi

Dollar/rubl məzənnəsi psixoloji əhəmiyyətli səviyyəni keçdi

Rusiya Mərkəzi Bankı 2023-cü ilin qalan hissəsində daxili bazardan valyuta alışını dayandıraraq Rublun ucuzlaşmasını dayandırmağa çalışsa da, dollar/rubl məzənnəsi ötən ilin martından bəri ilk dəfə olaraq psixoloji əhəmiyyətli 100 səviyyəsini keçib.

Marja.az xəbər verir ki, Rubl bu il dollar qarşısında təxminən 25 faiz dəyər itirərək onu inkişaf etməkdə olan bazarlar arasında ən pis performans göstərən valyutalardan birinə çevirib.

Rusiya prezidenti Vladimir Putinin Ukraynaya davam edən işğalı və ölkə üçün neft qiymətlərinin məhdudlaşdırılması da daxil olmaqla, ixracdan gələn gəlirləri azaltması nəticəsində rubl keçən ilin iyun ayında pik həddinə çatdıqdan sonra təxminən iki dəfə ucuzlaşıb.

Rusiya Mərkəzi Bankı çərşənbə günü büdcə mexanizmi çərçivəsində daxili bazardan valyuta alışını dayandırdığını açıqlayıb. Bildirilib ki, qərar “maliyyə bazarlarında volatilliyi azaltmaq” məqsədi daşıyır.

Bloomberg Rusiya iqtisadçısı Aleksandr İsakov rublun son ucuzlaşmasını belə qiymətləndirib:

"Hesab edirik ki, rublun sabitləşməsi üçün uçot dərəcəsi 10 faizə yaxınlaşmalı və federal büdcə xərcləri fiskal tavan daxilində saxlanılmalıdır.

Rubl yüksək xam neft qiymətlərindən faydalana bilər".

Qeyd edək ki, Rusiya Mərkəzi Bankı milli valyutada depozitləri artırmaq və idxalı azaltmaq üçün sentyabrın 15-də keçiriləcək iclasında faizini 0,50-1.00 faiz bəndi artıracağı gözlənilir.

Qeyd edək ki, bu gün Moskva birjasında Dolların məzənnəsi 100 rublu keçdikdən sonra 101 rublu da ötüb. Bu, 23 mart 2022-ci ildən bəri ilk dəfədir. Avronun məzənnəsi isə 2022-ci il martın 23-dən bəri ilk dəfə olaraq 110 rublu ötüb.

14.08.2023 12:25

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az