Rusiyanın iri onlayn platformasından Azərbaycan sahibkarlarına əməkdaşlıq təklifi - DÖVRİYYƏNİN 4,04%-i SİZİNDİR

Wildberries Azərbaycanda paylama məntəqələrinin açılması üçün tərəfdaş proqramına başlayıb.

Rusiyanın iri onlayn platformasından Azərbaycan sahibkarlarına əməkdaşlıq təklifi - DÖVRİYYƏNİN 4,04%-i SİZİNDİR

Rusiyanın iri Wildberries onlayn platforması mövcud olan bütün ölkələrdə sahibkarlarla əməkdaşlığın əhatə dairəsini genişləndirməyə davam edir və Azərbaycanda sifarişlərin götürülməsi məntəqələrinin açılması üzrə françayzinq proqramının başlandığını elan edir.

Wildberries-dən Marja.az-a daxil olmuş məlumata görə, indi yerli sahibkarlar müstəqil olaraq özlərinə sifarişlərin təhvil verilməsi məntəqələri aça və gəlir əldə edə bilərlər.

Wildberries-sifarişlər üzrə dövriyyənin 4,04%-ni Azərbaycan sahibkarlarına təklif edir: "Bu da investisiyanı tez bir zamanda ödəyəcək".

Wildberries ilə birlikdə təhvil məntəqəsi açmaq üçün franchise.wildberries.ru saytında ərizə təqdim etmək, sonra interaktiv xəritədən istifadə edərək yeri müəyyən etmək kifayətdir. Burada sahibkarlar sifarişlər və müştərilərlə işləmək üçün bütün lazımi funksiyalara çıxış əldə edirlər.

“Wildberries Azərbaycanda bu il avqustun əvvəlindən satışa başlayıb. Biz görürük ki, ölkədə onlayn alış-verişin populyarlığı sürətlə artmaqda davam edir, ona görə də biz yerli bizneslərlə fəal əməkdaşlıq etməyi və Wildberries çatdırılma məntəqələri şəbəkəsini birgə artırmağı planlaşdırırıq. Sifarişlərin çatdırılması üzrə tərəfdaş məntəqənin sahibi olan sahibkarlar Wildberries-in böyük müştəri trafiki sayəsində sabit gəlir əldə edirlər. Hər gün bizə 8,8 milyondan çox sifariş verilir və müştəri aktivliyi artmaqda davam edir”, - Wildberries-in mətbuat xidmətindən Marja.az-a bildiriblər.

Wildberries onlayn platforma franchise çatdırılma məntəqə françayzinq

09.08.2023 10:00

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az