Milli daşıyıcıların beynəlxalq bazarlarda payı 8% artıb

Milli daşıyıcıların beynəlxalq bazarlarda payı 8% artıb

Avtomobil nəqliyyatı ilə beynəlxalq yük daşımalarında artım müşahidə olunur

Milli daşıyıcıların beynəlxalq bazarlarda payı 8% artıb

Azərbaycan Yerüstü Nəqliyyat Agentliyinin (AYNA) cari ilin 6 ayının yekunlarına dair statistik məlumatlarına əsasən, avtomobil nəqliyyatı ilə beynəlxalq yük daşımalarında bir sıra göstəricilər üzrə davamlı artım müşahidə olunmaqdadır.

AYNA-nın yaydığı məlumatda bildirilir ki, 2022-ci ilin müvafiq dövrü ilə 2023-cü ilin yanvar-iyun aylarının göstəricilərinin müqayisəsi daşımalarda istifadə edilən nəqliyyat vasitələri parkının genişləndiyini, daşıyıcıların sayının, eləcə də Azərbaycan daşıyıcılarının bazar paylarının daha da artdığını göstərir.

Bazarın genişlənməsi sayəsində Azərbaycanın ikitərəfli daşımalar üzrə beynəlxalq avtomobil daşımaları bazarı 2022-ci ilin yanvar-iyun aylarında 135,070 ədəd olduğu halda, bu göstərici 2023-cü ilin müvafiq dövründə 153,872 təşkil edib ki, bu da 13.9%-lik böyümə deməkdir.

Cari ilin 6 ayı ərzində Azərbaycanın beynəlxalq avtomobil daşımalarında iştirak edən nəqliyyat vasitələrinin sayı isə 11960 olub. Qeyd edək ki, 2021-ci ildə bu say təxminən 2400 təşkil edirdi.

Hesabat dövründə 2022-ci ilin müvafiq dövrü ilə müqayisədə milli daşıyıcıların beynəlxalq bazarlarda payı 8% artıb.

3-cü ölkə daşımaları üzrə göstəricilərdə də artım dinamikası var. 2023-cü ilin 6 ayı ərzində ötən ilin müvafiq dövrü ilə müqayisədə Azərbaycan daşıyıcıları tərəfindən həyata keçirilən 3-cü ölkə daşımaları 2 dəfə artıb. Belə ki, 2023-cü ilin yanvar-iyun aylarında 25,318 ədəd 3-cü ölkə daşımaları həyata keçirilib. 2022-ci ilin müvafiq dövrü ilə müqayisədə bu göstərici 12,592 ədəd artıq olub.

Avtomobil nəqliyyatı ilə tranzit daşımaların sayında qeydə alınan artım dinamikası isə 2022-ci ilin müvafiq dövrü ilə müqayisədə 52498 ədəd və ya 85.81% artaraq 113.675 ədədə çatıb.

Bu ilin 6 ayı ərzində ölkəyə idxal olunan dartıcıların sayındakı artım 2,5 dəfəyə yüksəlib. Ötən il istismar olunan dartıcıların sayı 908 ədəd idisə, bu il bu rəqəm 2246-dır.

28.07.2023 18:26

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az