Söyüdlüdə qızıl hasil edən şirkət “Micon" və “Knight Piesold” ilə müqavilələr bağlayıb

Söyüdlüdə qızıl hasil edən şirkət “Micon" və “Knight Piesold” ilə müqavilələr bağlayıb

Söyüdlüdə qızıl hasil edən şirkət “Micon" və “Knight Piesold” ilə müqavilələr bağlayıb

Geoloji və dağ-mədən sahəsində konsaltinq xidmətləri göstərən “Micon International” (Micon) şirkəti Söyüdlü kəndi ərazisində monitorinq keçirməsi üçün cəlb edib.

Marja.az xəbər verir ki, bu, Azərbaycanda qızıl, mis və gümüş hasilatçısı olan “Azerbaijan International Mining Company" (AIMC) Söyüdlü kəndi yaxınlığındakı tullantı gölü ilə bağlı yerli əhalinin qaldırdığı problemlərlə bağlı yaydığı press-relizdə bildirilir.

VTB-də minimal faiz dərəcəsi ilə nağd kredit 10.49%-dən

Qeyd edilib ki, 1 avqust 2023-cü il tarixində başlanacaq araşdırmaya qədər mədəndə əməliyyatlar davam edəcək. Bu tarixdən sonra isə altı həftə ərzində planlaşdırılan monitorinqin nəticələrinə qədər müəssisənin fəaliyyəti dayandırılacaq.

Sözügedən tədbirlərlə əlaqədar, AIMC həmçinin tullantılar üzrə konsaltinq sahəsində ixtisaslaşan tanınmış beynəlxalq mühəndislik şirkəti “Knight Piesold” ilə Ekologiya və Təbii Sərvətlər Nazirliyinin (ETSN) sorğusuna uyğun olaraq tullantıların idarə olunması məqsədilə gələcək qiymətləndirmələrdə əlavə araşdırma aparmaq üçün müqavilə bağlayıb.

AIMC Azərbaycan Respublikası Hökuməti ilə "R.V. Investment Group Services LLC" (ABŞ) arasında imzalanmış Hasilatın Pay Bölgüsü Sazişi çərçivəsində Azərbaycanda müxtəlif qızıl və mis layihələrinin kəşfiyyatı, idarəedilməsi və hasilatın pay bölgüsünü əhatə edən əməliyyatlar üzrə faəliyyət göstərən şirkətidir. Onun portfelinə istismarda olan Qoşa və Gədəbəy mədənləri daxildir. Hasilatın Pay Bölgüsü Sazişi (PSA) çərçivəsində layihələr 51 faiz paya malik olan Azərbaycan Respublikası Hökuməti ilə tərəfdaşlıq şərtləri əsasında həyata keçirilir.