Nazir Məcnun Məmmədov aqrar sahədə ixtisaslaşmış startapçılarla görüşüb

Kənd Təsərrüfatı Nazirliyinin təşəbbüsü və Aqrar İnnovasiya Mərkəzinin tərəfdaşlığı ilə ölkəmizdə aqrar texnologiyalara dair müxtəlif müsabiqə, yarışma, hakaton və festivallar keçirilir. Bu müsabiqələrin əsas məqsədi aqrar sahədə innovasiyaların təşviqi və tətbiqinə, aqrar startapların inkişafına, innovasiyalardan və rəqəmsal texnologiyalardan istifadə etməklə aqrar sahədə məhsuldarlığın yüksəldilməsinə və aqrar idarəetmənin təkmilləşdirilməsinə dəstək göstərməkdir.
Bu, Kənd Təsərrüfatı Nazirliyinin yaydığı məlumatda bildirilir.
Qeyd edilib ki, Kənd təsərrüfatı naziri Məcnun Məmmədov aqrar sahəyə dair müxtəlif yarış, müsabiqə və festivallarda öz startap layihələri ilə iştirak etmiş gənclərlə görüşüb. Nazir müsabiqələrdə təqdim olunan startap layihələrini müsbət qiymətləndirib, bu layihələrin gələcəkdə kənd təsərrüfatı məhsullarının istehsalında səmərəliliyin artmasına müsbət təsir göstərəcəyinə əminliyini vurğulayıb. Nazirlik tərəfindən aqrar startaplara hər cür dəstəyin göstəriləcəyini deyən Məcnun Məmmədov aqrar sahədə tətbiq olunacaq yeni texnologiyaların ölkə iqtisadiyyatının inkişafına dəstək verəcəyini bildirib və bu istiqamətdə göstərdikləri fəaliyyətdə startapçılara uğurlar arzulayıb.
Görüşdə qeyd olunub ki, bölgələrdə keçirilən Aqrar İnnovasiya Festivallarında 10-dan artıq ali məktəbin 20-dən çox startap komandası iştirak edir. “Teknofest” Aviasiya, Kosmos və Texnologiya Festivalı, “Agro X”, “Greenovation”, “Ideathon on Agrinnovation”, “Baku Food Hackathon”, “Gələcək üçün bacarıqlar” müsabiqələrində iştirak etmiş startapçılar öz layihə və prototiplərini təqdim ediblər.
Layihələr arasında fındıq məhsulunu toplayan qurğu, arıçılıqda “varatoz” gənəsinə qarşı mübarizə, yerli bal istehsalçıları arasında birbaşa əlaqələrin qurulması üzrə platforma, suvarmanın süni intellektlə idarəolunması məqsədilə avadanlıq və web platforma, avtomobillər üçün portativ qida bloku, qrunt sularını idarəedən səki daşları, bioqaz, geni modifikasiya olunmuş baramalar, iqlim stansiyası, dəqiq suvarma idarəçiliyi üçün sensor, ağıllı istixana idarəetmə sistemi, alaq otlarını lazer sistemi ilə təmizləyən aqro-robot kimi startaplar daha çox maraq doğurub.
Görüşdə məhsul istehsalının artırılması üçün aqrotexniki qulluq qaydalarını asanlaşdıran startap layihələri ilə bağlı fikir mübadiləsi aparılıb, səsləndirilən təkliflər qeydə alınıb.
Müştərilərin xəbərləri
SON XƏBƏRLƏR
-
1 gün əvvəl
Bank Respublika rəhbərliyi və əməkdaşları ağacəkmə aksiyasında iştirak etdi
- 1 gün əvvəl
-
1 gün əvvəl
AZAL Bakıdan Hindistanın Əhmədabad şəhərinə birbaşa uçuşlara başlayır
-
- 2 gün əvvəl
-
2 gün əvvəl
Yerli sahibkarlar ölkəmizi tərk etmədən Dubaydakı biznesləri üçün xidmətlərdən faydalana biləcəklər
-
2 gün əvvəl
“Azercell Cup 2025” müsabiqəsinin ilk seçim mərhələsi uğurla yekunlaşdı
-
2 gün əvvəl
Birja Bank "BTB" istiqrazıları barədə qərar verdi - ABUNƏ YAZILIŞI BAŞLAYIR
-
2 gün əvvəl
Nazir Mikayıl Cabbarov ərəb ölkəsinin iqtisadiyyat naziri ilə görüş keçirib
- 2 gün əvvəl
-
2 gün əvvəl
“Azərkosmos” Türkiyə şirkəti ilə əməkdaşlıq müqaviləsi imzalayıb
- 2 gün əvvəl
- 2 gün əvvəl

Yüksək gəlirli müəssisələr satışa qoyulub - QİYMƏTLƏR

Prezident koordinator təyin etdi

Dolların bazar ertəsi üçün rəsmi məzənnəsi müəyyən olunub
Ən çox oxunanlar

Regional kollecdə yeni təyinatlar olub

“İctimai Sektor üçün Mühasibat Uçotunun Beynəlxalq Standartlarına əsasən mühasibat uçotunun aparılması qaydaları”nın təqdimatı keçirilib

BOKT "International” istiqrazlarınının ticarət nəticələri tələblərə cavab vermədiyindən listinqə alınmadı

Milli Depozit Mərkəzi ilə UNEC arasında memorandum imzalanıb

Rusiya Mərkəzi Bankı pauza mövqeyində qalır
