Qlobal birjalarda son vəziyyət - GÜNƏ BAXIŞ

Qlobal birjalarda son vəziyyət - GÜNƏ BAXIŞ

Qlobal birjalarda son vəziyyət - GÜNƏ BAXIŞ

ABŞ-da İstehlak Qiymətləri İndeksinin ardınca dünən dərc olunan İstehsal Qiymətləri İndeksi göstəricilərindən sonra dollar indeksi psixoloji hədd hesab edilən 100 bənd səviyyəsini aşağıya doğru qırdı.

ABŞ Əmək Nazirliyinin dünən açıqladığı məlumatlara görə, İstehsal Qiymətləri İndeksi iyun ayında aylıq və illik müqayisədə 0.1%-lik artımla proqnozların altında qaldı. Ölkədə istehsal inflyasiyasiyasında illik əsasda 2020-ci ildəki deflyasiyadan bəri ən aşağı səviyyə qeydə alınıb.

Analitiklər bildiriblər ki, istehsalçı qiymətləri ilə bağlı məlumatlar ABŞ-da inflyasiyanın aşağı düşdüyünə dair əlavə sübutlar yaradır və ABŞ Federal Ehtiyatlar Sisteminin pul-kredit siyasətini sərtləşdirməyə tezliklə son qoyacağına dair ehtimalları artırıb.

Fed rəsmilərinin açıqlamaları təqib olunmağa davam edərkən, San Fransisko FED sədri Meri Deyli ölkədə yüksək inflyasiyanın qarşısını almaq üçün faiz artımının zəruri olacağını bir daha vurğulayıb. Qeyd edək ki, sədr. M.Deyli daha əvvəl bu il əlavə iki faiz artımına ehtiyac duyulacağına inandığını bildirib.

Analitiklər, ABŞ-ın ən böyük banklarından biri olan “JP Morgan”, “Wells Fargo” və “Citigroup”-un bu gün açıqlanacaq ikinci rüb balans hesabatlarının bazarların diqqət mərkəzində olacağını bildiriblər.

Son iki ilin minimumlarına düşən inflyasiya rəqəmlərindən sonra kəskin dəyər itirən dollar indeksi psixoloji hədd hesab edilən 100 bənd səviyyəsini aşağıya doğru qırıb. Hazırda 99.65 bənd hədlərində qərarlaşan DXY-da qiymət 100.00 bənd səviyyəsinin altında qaldığı müddətcə eniş tendensiyası daha kəskin xarakter ala bilər.

Məlumat İnvestAZ İnvestisiya şirkətinin analitikləri tərəfindən hazırlanıb.

14.07.2023 10:04