Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

Qlobal bazarlarda son vəziyyət - GÜNƏ BAXIŞ

ABŞ-da inflyasiya məlumatlarının açıqlanacağı cari həftənin ilk ticarət günündə dollar indeksi (DXY) 101.75 bənd hədlərinə qədər geriləyib.

Çərşənbə günü açıqlanacaq İstehlakçı Qiymətləri İndeksi (CPI) və cümə axşamı dərc olunacaq İstehsal Qiymətləri İndeksi (ÜFE) göstəriciləri DXY-da tendensiyanın gedişinə ciddi təsir edə bilər.

VTB-də yüksək depozit faizləri daha çox qazandırır

ABŞ Federal Ehtiyatlar Sisteminin (FED) Nyu-York bölməsinin dünən açıqladığı “İstehlakçı Gözləntiləri Araşdırması”-nın nəticələrinə görə, Amerika istehlakçılarının qısamüddətli inflyasiya ehtimalları iyun ayında 3.8%-ə enərək 2021-ci ilin aprelindən bəri ən aşağı səviyyəyə düşüb.

FED rəsmilərinin açıqlamaları investorlar tərəfindən təqib edilərkən, San-Fransisko FED sədri Meri Deyli, güclü əmək bazarı qarşısında yüksək inflyasiyanın qarşısını almaq üçün bu il bir neçə faiz artımına ehtiyac olacağını düşündüyünü ifadə edib.

Klivlend FED-in sədri Loretta Mester inflyasiya təzyiqlərinin hələ də uçot dərəcəsinin daha da artırılmasını zəruri etdiyini bildirib. Mester qeyd edib ki, FED inflyasiyanı azaltmaq üçün monetar siyasəti bir az daha sərtləşdirməli olacaq.

Atlanta FED sədri Rafael Bostiç inflyasiyanın çox yüksək olduğunu və ən böyük riskin inflyasiyanın hədəfə qaytarılmaması olduğunu bildirib.

NFP göstəriciləri fonunda ötən həftəni 102.30 bənd səviyyəsində başa vuran DXY hazırda 101.80 bənd səviyyəsində dalğalanır. Qeyd edək ki, DXY 103.50 bənd səviyyəsindəki psixoloji müqavimət həddinin altında qaldığı müddətcə, eniş tendensiyası 100 bənd hədlərinə kimi davam edə bilər.

Bu gün isə İngiltərədə dərc olunacaq əmək bazarı göstəriciləri və Almaniyada açıqlanacaq inflyasiya rəqəmləri investorların diqqət mərkəzində olacaq.

Məlumat İnvest-AZ İnvestisiya Şirkətinin analitikləri tərəfindən hazırlanıb.

11.07.2023 08:08

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az