"Cənub Qaz Dəhlizi" QSC 2022-ci ili 1 milyard 608 milyon 399 min dollar xalis mənfəət ilə başa vurub. QSC 2021-ci ili 795 milyon 397 min dollar xalis mənfəət ilə bağlamışdı.

Beləliklə, ötən il "Cənub Qaz Dəhlizi"nin xalis mənfəəti 2 dəfə artıb.

Marja xəbər verir ki, "Cənub Qaz Dəhlizi"  əsas əməliyyat gəlirləri 2021-ci ildə 1 milyard 763 milyon 92 min dollar ikən, 2022-ci ildə 2 milyard 649 miylon 957 min dollara yüksəlib (886 milyon 865 min dollar və ya 50,3% artıb).

Ötəbn il "Cənub Qaz Dəhlizi" QSC-nin cəmi gəlirləri 2 milyard 885 milyon 334 min dollar, cəmi xərcləri 1 milyard 276 milyon 935 min dollar təşkil edib. 

Avropa bazarlarına Azərbaycan qazının çatdırılmasını təmin etmək üçün, Azərbaycan Respublikasının Prezidenti 29 oktyabr 2013-cü il tarixində Şahdəniz qaz-kondensat yatağının tammiqyaslı işlənilməsi (“SD2”), Cənubi Qafqaz Boru Kəməri sisteminin genişləndirilməsi (“SCPX”), Trans-Anadolu Boru Kəməri (“TANAP”) və Trans-Adriatik Boru Kəməri (“TAP”) layihələrinin (birlikdə “Layihələr”) səmərəli şəkildə həyata keçirilməsi ilə bağlı dövlət tərəfindən nəzarət və hərtərəfli kömək göstərilməsini təmin etmək məqsədi ilə Dövlət Komissiyası yaradılması haqqında sərəncam imzalamışdır.

Azərbaycan Respublikasının Prezidenti 25 fevral 2014-cü il tarixində Layihələr üzrə Dövlətə məxsus payların konsolidasiya edilməsi, idarə olunması və maliyyələşdirilməsi məqsədilə “Cənub Qaz Dəhlizi” Qapalı Səhmdar Cəmiyyətinin (“CQD”) yaradılması haqqında sərəncam imzalamışdır. CQD Dövlət (Azərbaycan Respublikasının İqtisadiyyat Nazirliyi) (51%) və SOCAR-ın (49%) təsisçiliyi ilə 31 mart 2014-cü il tarixində yaradılmışdır.

Yuxarıda qeyd olunan sərəncama uyğun olaraq, SOCAR-ın Layihələr üzrə bütün iştirak payları CQD-yə ötürülmüşdür və bu payların maliyyələşdirilməsi CQD tərəfindən həyata keçirilir. CQD-nin adından Layihələr üzrə əməliyyat işlərini SOCAR həyata keçirir.

Həmçinin oxu

Azərbaycanın iri ofis mebeli istehsalçısı rebrendinq etdi