Dövlət Neft Fondunun investisiyaları zərər ilə nəticələnib

Dövlət Neft Fondunun investisiyaları zərər ilə nəticələnib

Dövlət Neft Fondunun investisiyaları zərər ilə nəticələnib

Azərbaycan Respublikası Dövlət Neft Fondunun (ARDNF) investisiyaları 2022-ci ildə 5,2% zərərə səbəb olub.

Marja xəbər verir ki, bu, Azərbaycan Respublikası Dövlət Neft Fondunun (ARDNF) 2022-ci il üzrə maliyyə hesabatlarında bildirilir.

Qeyd edilib ki, Azərbaycan Respublikası Dövlət Neft Fondunun ötən il 45,03 milyard ABŞ dollarına bərabər aktivləri 2022-ci ilin sonuna artaraq 49,03 milyard ABŞ dollarına yüksəlmişdir. Ümumi portfelin 62,1% və ya 30,4 milyard ABŞ dolları hissəsi borc öhdəlikləri və pul bazarları alətlərinə, 19,6% və ya 9,6 milyard ABŞ dolları hissəsi isə səhmlərə investisiya edilmişdir. Portfelin 6,2% və ya 3,1 milyard ABŞ dolları hissəsini daşınmaz əmlak, qalan 12,1% və ya 5,9 milyard ABŞ dolları hissəsini isə qızıl investisiyaları təşkil etmişdir.

Yaranma tarixindən 2022-ci ilin sonuna qədər ARDNF investisiyalardan toplam 7,8 milyard ABŞ dolları gəlir əldə edib ki, bu da illik ifadədə 2,3% gəlirliliyə bərabərdir. 2022-ci ildə Fondun gəlirliliyi -5,2% olmuşdur.

Ötən il ARDNF neft-qaz sazişlərindən 12 milyard 47,3 milyon dollar gəlir əldə etsə də, investisiya fəaliyyəti üzrə 2 milyard 461,3 milyon dollar zərər edib.

Hesabatla aşağıdakı linkə keçid edərək tanış ola bilərsiniz:

ARDNF-nin 2022-ci il üzrə illik hesabatı: https://oilfund.az/report-and-statistics/get-download-file/7_2022_tam.pdf

24.06.2023 20:19