Birjalarda risk iştahı artıb - GÜNƏ BAXIŞ

Birjalarda risk iştahı artıb - GÜNƏ BAXIŞ

Birjalarda risk iştahı artıb - GÜNƏ BAXIŞ

ABŞ-da illik inflyasiya son 2 ilin ən aşağı səviyyəsinə endikdən sonra birjalarda risk iştahının artdığı müşahidə olunur.

Amerikada dünən açıqlanan məlumatlara görə, İstehlak Qiymətləri İndeksi (CPİ) may ayında aylıq müqayisədə 0.1%, illik müqayisədə isə 4% artaraq proqnozların altında qalıb.

Qeyd edək ki, ABŞ-da illik inflyasiya 2021-ci ilin martından bəri ən aşağı səviyyəyə enib.

İstehlak Qiymətlərinin Baza İndeksi bazar proqnozlarına uyğun olaraq may ayında aylıq müqayisədə 0.4%, illik müqayisədə isə 5.3% artıb.

İnflyasiya göstəricilərindən sonra dünən başlayan və bu gün qərarları açıqlanacaq Federal Açıq Bazar Komitəsinin (FOMC) iclasında ABŞ Federal Ehtiyatlar Sisteminin (FED) uçot faizini sabit saxlayacağına dair ehtimallar daha da güclənib.

Valyuta bazarlarındakı qiymətlərə FED-in faiz dərəcəsini bu gün 94% ehtimal ilə sabit saxlayacağı proqnozlaşdırılır.

Analitiklər, FED-in açıqlayacağı pul-kredit siyasəti qərarları ilə yanaşı, iqtisadi proqnozların və FED sədri Jerome Pavelin toplantıdan sonra verəcəyi açıqlamalarında veracəyi mesajlar da investorlar tərəfindən izlənəcəyini bildiriblər.

Bu gün həmçinin İngiltərədə dərc olunacaq ÜDM-in həcmi və ticarət dövriyyəsinə dair göstəricilər, eləcə də Amerikada İstehsal Qiymətləri İndeksinə (PPİ) dair rəqəmlər də birjalarda ciddi dalğalanmalara səbəb ola bilər.

Geriləyən dollar indeksi fonunda qızıl yenidən 1968$ həddini test etsə də, burada müqavimətlə qarşılaşaraq yenidən 1941$-a qədər geriləyib. Hazırda 1949$-dan təklif edilən qiymətli metalın bir unsiya üzrə dəyəri 1968$-ın altında qaldığı müddətcə eniş tendensiyası daha kəskin xarakter ala bilər.

Məlumat İnvestAZ şirkətinin analitikləri tərəfindən hazırlanıb.

14.06.2023 10:21