Dünya dördgöz bu qərarı gözləyir - BU GÜN AXŞAM AÇIQLANACAQ

Dünya dördgöz bu qərarı gözləyir - BU GÜN AXŞAM AÇIQLANACAQ

Qlobal bazarlarda FED günü. Bu gün saat 22:00-da faiz qərarını açıqlayacaq FED-in 15 aydan sonra ilk dəfə faiz artırmayacağı və faiz dərəcələrini 5 - 5,25 faiz aralığında saxlayacağı gözlənilir. Ancaq FED-in qarşıdakı aylarda faizin artırlmasına davam edəcəyi mesajını verməsi də mümkün görünür. Keçmiş faiz artımlarının təsirini görmək üçün FED iyun ayında dayana bilər.

Dünya dördgöz bu qərarı gözləyir - BU GÜN AXŞAM AÇIQLANACAQ

Bu gün ABŞ Mərkəzi Bankı (FED) faiz qərarını açıqlayacaq.

Marja.az xəbər verir ki, qərar Bakı vaxtı ilə saat 22:00-da bəyan ediləcək. Saat 22:30-da isə FED sədrinin mətbuat konfransı başlayacaq.

Hazırda FED-in failəri 5,00%- 5,25% aralığındadır.

May ayında ABŞ-da inflyasiya yavaşlayıb. Bu vəziyyət, FED-in faiz artırmağı dayandırmasına şərait yaradır. ABŞ-da illik inflyasiya 4,9%-dən 4%-ə düşüb (ötən ilin may ayı ilə müqayisədə), bu, 2021-ci ilin martından bəri ən aşağı səviyyədir.

Bəzi iqtisadçıların gözləntisi FED-in İyunda da 0,25 faiz bəndi faiz artıraraq pauza verəcəyidir. Bəzi iqtisadçılar isə FED-in bu iclasa faizlərini sabit saxlayacağını gözləyir.

XXX

Qlobal bazarlarda bütün diqqətlər FED-in faiz qərarına yönəlib. Ümumi gözləntiyə görə, FED-in faiz dərəcələrində və pik faiz proqnozlarında hər hansı dəyişiklik edəcəyi gözlənilmir.

ABŞ-da inflyasiya yavaşladıqdan sonra FED-in iyun ayında faizlərini sabit saxlayacağı gözləntiləri bazarlarda risk iştahını artırıb. Bu il orta hesabla 23 səviyyəsində olan Wall Street-in "narahatlıq göstəricisi" CBOE Dəyişkənlik İndeksi (VIX) 15-dən aşağı düşüb. Bu, riskli aktivlərə olan marağı əks etdirir.

Belə bir vəziyyət xüsusilə birjalarda ralli yaradır. S&P 500 indeksi çərşənbə axşamı 0,7 faiz artaraq dördüncü ticarət gününü müsbət bağlayaraq 4,400 bəndinə yaxınlaşıb.

Yaponiyanın Topix indeksi 1,1 faiz artaraq son 30 ilin zirvəsinə yüksəlib.

FED-in iyun ayında dayanacağı və sonrakı dövrdə faiz artıracağı gözləntiləri ilə ABŞ istiqrazlarının faizləri yüksəlir. İki illik istiqrazların faizi 9 baza bəndi artaraq 4,67%-ə çatıb.

Dollar inkişaf etmiş ölkələrin valyutaları qarşısında məhdud hərəkət edir. Bloomberg Dollar İndeksi FED-dən əvvəl 1231 bənd səviyyəsində sabitdir.

ABŞ-da inflyasiya illik 9 faizdən 4 faizə düşsə də, inflyasiyanın hələ də FED-in hədəfindən iki dəfə yüksək olması faiz artımlarının iyul ayında da davam edəcəyi ilə bağlı gözləntiləri gücləndirir.

14.06.2023 08:36