Arpa biçini davam edir - orta məhsuldarlıq 27,3 sentner təşkil edir

Arpa biçini davam edir - orta məhsuldarlıq 27,3 sentner təşkil edir

Arpa biçini davam edir - orta məhsuldarlıq 27,3 sentner təşkil edir

Respublikanın bölgələrində arpa biçini davam edir. Hazırda 38 rayonun əsasən dəmyə ərazilərində apra biçini aparılır. Bugünədək sahələrdən 247258 ton arpa yığılıb. Arpa sahələrinin təxminən 23 faizində biçin başa çatıb. Arpa üzrə orta məhsuldarlıq 27,3 sentner təşkil edir.

Biçin prosesinin ilk başladığı rayonlardan olan Salyanda payızlıq əkinlər dövründə 8656 hektar sahədə arpa əkilib. Bugünədək sahələrin 50 faizindən çoxunda arpa biçini yekunlaşıb. Sahələrdən 16517 ton məhsul yığılıb, arpa üzrə orta məhsuldarlıq 35.1 sentner təşkil edir. Biçinin vaxtında və itkisiz başa çatdırılması üçün “Aqroservis” ASC tərəfindən Salyan rayonuna digər bölgələrdən əlavə kombaynlar dislokasiya edilib.

VTB-də yüksək depozit faizləri daha çox qazandırır

Hazırda Salyanda biçin prosesinə 45 kombayn cəlb olunub. Bunlardan 20-si “Aqroservis” ASC-nin yerli rayon bölməsinin balansında olan kombaynlardır, “Aqroservis” tərəfindən digər rayon bölmələrindən Neftçalaya 7 əlavə kombayn dislokasiya edilib. Biçinə həmçinin fiziki və hüquqi şəxslərə məxsus 18 özəl kombayn da cəlb olunub. Rayonun arpa sahələrində biçin prosesinin iyun ayının ikinci ongünlüyündə tam başa çatacağı proqnozlaşdırılır.

Qeyd edək ki, hazırda respublikanın 38 rayonunda arpa biçini davam edir. Bu günə qədər 90444 hektar sahədə arpa biçini başa çatıb. Sahələrin 29072 hektarı “Aqroservis” ASC-nin kombaynları, qalan hissəsi isə özəl kombaynlar vasitəsilə biçilib.

Biçin prosesi davam edir.

Qeyd edək ki, bu il ölkə ərazisində 1 058 398,9 hektar sahədə taxıl əkilib ki, bunun 658 383,7 hektarı buğda, 400 015,2 hektarı isə arpa sahəsidir.

09.06.2023 13:03

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az