“Almet Trading Baku” şirkəti kiçilib, mənfəəti 2,6 dəfə azalıb

“Almet Trading Baku” şirkəti kiçilib, mənfəəti 2,6 dəfə azalıb

“Almet Trading Baku” şirkəti kiçilib, mənfəəti 2,6 dəfə azalıb

Armatur, məftil, borular, şveller və digər metal məhsulların satışı ilə məşğul olan “Almet Trading Baku” QSC şirkəti 2022-ci ili 1 milyon 8 min manat mənfəət ilə (vergidən əvvəl) başa vurub. Şirkət 2021-ci ili 2 milyon 604 min manat mənfəət ilə bağlamışdı. Beləliklə, ötən il “Almet Trading Baku” şirkətinin mənfəəti 2,6 dəfə azalıb.

Marja.az xəbər verir ki, “Almet Trading Baku” QSC şirkətinin cəmi aktivləri 2022-ci ildə 2021-ci illə müqayisədə 1 milyon 363 min manat və ya 14,5% azalaraq 8 milyon 40 min manata düşüb.

VTB-də minimal faiz dərəcəsi ilə nağd kredit 10.49%-dən

Ötən il Şirkətin cəmi kapitalı 642 min manat azalaraq 3 milyon 334 min manata, cəmi öhdəlikləri isə 721 min manat azalaraq 4 milyon 706 min manata geriləyib.

2022-ci ilin nəticələrinə əsasən cəmiyyətin aktivləri öhdəliklərini 2 dəfəyə yaxın üstələyir və bu, ödəmə qabiliyyətinə müsbət təsir edir.

“Almet Trading Baku” QSC şirkəti 2019 ildə fəaliyyətinə başlayıb. Şirkətinin əsas fəaliyyəti - meşə materiallarının, tikinti materiallarının və sanitar-texniki avadanlıqıların topdan satışıdır.

“Almet Trading Baku” QSC-nin nizamnamə kapitalının 90%-i Rüstəmov Rüfət Telman oğluna, 10%-i Orucov Elxan Əlisaab oğluna məxsusdur. Cəmiyyətin ali idarəetmə orqanı onun Səhmdarlarının ümumi yığıncağıdır.

2 MİLYON MANAT BORC ALIR

Xəbər verdiyimiz kimi, “Almet Trading Baku” QSC şirkəti hər birinin nominal dəyəri 1 000 manat olan 2 000 ədəd (2 milyon manatlıq) faizli, təminatsız, sənədsiz, adlı istiqrazlar buraxır. İstiqrazların tədavül müddəti 24 ay, faiz dərəcəsi illik 13%-dir. İstiqrazlar üzrə hesablanmış faizlər, buraxılışda olan ilk istiqrazın yerləşdirildiyi tarixdən etibarən 90 gündən bir ödəniləcəkdir.

08.06.2023 10:08

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az