İKİ ÇEMPİON BİRLƏŞDİ - “Sirab” “Qarabağ”ın rəsmi tərəfdaşı oldu - FOTOLAR

İKİ ÇEMPİON BİRLƏŞDİ - “Sirab” “Qarabağ”ın rəsmi tərəfdaşı oldu - FOTOLAR

İKİ ÇEMPİON BİRLƏŞDİ - “Sirab” “Qarabağ”ın rəsmi tərəfdaşı oldu - FOTOLAR

(®) Mayın 26-da “Sirab” brendinin futbol üzrə Azərbaycan çempionu “Qarabağ”la rəsmi tərəfdaşlıq müqaviləsinin imza mərasimi keçirilib.

İmzalama mərasimində “Sirab”ın icraçı direktoru Alper Yaycılı, marketinq şöbəsinin rəhbəri Esin Umut, “Qarabağ” FK-nun baş direktoru Əmrah Çəlikəl, komandanın marketinq departamentinin rəhbəri Yusif Cəfərov iştirak edib.

Əvvəlcə rəsmi tərəfdaşlıq barədə müqavilə imzalanıb. Müqaviləni “Sirab” şirkətinin icraçı direktoru Alper Yaycılı və “Qarabağ” FK-nun baş direktoru Əmrah Çəlikəl imzalayıb.

İmza mərasimində “Sirab” şirkətinin icraçı direktoru Alper Yaycılı tərəfdaşlıqdan qürur duyduqlarını bildirib: “Qarabağ” Azərbaycan idmanının ən öndə komandalarından biridir. Bu klub ölkəni Avropa meydanlarında layiqincə təmsil edir, milyonlarla insana sevinc və qürur bəxş edir. “Sirab” olaraq daim ölkə idmanına dəstək olmağa çalışırıq. 2018-ci ildən “Qarabağ” FK ilə əməkdaşlığımız var. Bu gündən etibarən isə həm də rəsmi tərəfdaş olaraq çalışacayıq. “Qarabağ” kimi titullu və böyük komandayla əməkdaşlıqdan qürur duyuruq. “Sirab” və “Qarabağ” ayrı-ayrılıqda öz sahəsinin çempionudur. Bu gün iki çempionun tərəfdaşlığı rəsmiləşdi”.

“Sirab” rəsmisi müqavilənin 1 il müddətinə nəzərdə tutulduğunu, amma gələcəkdə artırılma ehtimalının yüksək olduğunu söyləyib.

“Qarabağ” klubunun baş direktoru Əmrah Çəlikəl tərəfdaşlıqdan məmnun olduqlarını bildirib: “Biz “Sirab” suları ilə 2018-ci ildən əməkdaşlıq edirik. Klub olaraq sədaqət və mənəviyyata böyük üstünlük veririk. Öncələr başqa sular da alırdıq. Amma məmnun qalmırdıq. Hətta çarter reysi ilə səfərə çıxanda özümüzlə ”Sirab” suları aparırıq. Bu üzdən bu şirkətin üzərində dayandıq. Tərəfdaşlıqdan məmnunuq”.

Qeyd edək ki, 70 ildən çox yaşı olan “Sirab” mineral suyunun sorağı dünyanın bir sıra ölkələrindən gəlir. Dünya standartlarına cavab verən “Sirab” mineral suyu bir çox xarici ölkələrdə yüksək mükafatlara layiq görülüb.

Sirab Qarabağ Alper Yaycılı Esin Umut Əmrah Çəlikəl Yusif Cəfərov mineral su müqavilə idman komanda futbol

27.05.2023 11:50

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az