ABŞ-da borc limiti danışıqlarında irəliləyiş əldə olunduğu bildirilir

ABŞ-da borc limiti danışıqlarında irəliləyiş əldə olunduğu bildirilir

ABŞ-da borc limiti danışıqlarında irəliləyiş əldə olunduğu bildirilir

Borc limiti ilə bağlı açıqlama verən ABŞ prezidenti Co Bayden Nümayəndələr Palatasının sədri Kevin Makkarti ilə bir neçə məhsuldar görüş keçirdiklərini, danışıqları davam etdirdiklərini və bir sıra məqamlarda irəliləyiş əldə olunduğunu bildirib.

Ölkənin defoltunun bir seçim olmadığı ilə razılaşdıqlarını təkrarlayan Bayden, borc limiti ilə bağlı yeganə yolunun ikitərəfli razılaşma olduğunu söyləyib.

VTB-də yüksək depozit faizləri daha çox qazandırır

Borc limiti problemində uzlaşmaya nail olunub-olunmayacağına dair əminliyinin olmadığını deyən MakKarti, dünənki danışıqlarda irəliləyiş əldə olunduğunu bildirib.

Borc limiti ilə bağlı danışıqlarda iştirak edən Respublikaçı təmsilçi Qarret Qreyves bu gün borc limiti razılaşmasına nail olmağın çətin olduğunu qeyd edib. Digər bir respublikaçı təmsilçi Patrik MakHenri də yaxın günlərdə razılaşmanın əldə olunacağını düşünmədiyini, lakin həll edilməmiş məsələlərin siyahısının azaldığını açıqlayıb.

ABŞ Federal Ehtiyatlar Sistemi (FED) rəsmilərinin açıqlamalarını izləyərkən, Boston Fed sədri Suzan Kollins, faiz artımındakı fasilənin onlara bu günə qədər yürütdükləri monetar siyasəti qiymətləndirmək fürsəti verəcəyini və Bankın müəyyən bir nöqtədə və ya tezliklə fasilə verə biləcəyini ifadə etdi.

Bu gün isə Amerikada açıqlanacaq şəxsi və təsərrüfatlarında xərclərə dair inflyasiya göstəricilər birjalarda ciddi olaraq izləniləcək. Həmçinin İngiltərədə Pərakəndə Satış Dövriyyəsinin Həcmi ilə bağlı dərc olunacaq rəqəmlər investorların diqqət mərkəzində olacaq.

Amerikada günü-gündən artan defolt qorxularının “cash” dollara tələbi artırması fonunda qızıl ucuzlaşsa da, artan resessiya ehtimalları “güvənli liman”a tələbin artmasına səbəb olub. Odur ki, qızılın 4 saatlıq qrafikinə nəzər yetirdikdə, eniş tendensiyasının divergensiya ilə müşahidə edildiyini görərik. Bu səbəbdən də satış əməliyyatları zamanı ehtiyyatlı olmaq tövsiyyə olunur.

Məlumat İnvestAz İnvestisiya Şirkətinin analitikləri tərəfindən hazırlanıb.

26.05.2023 10:23

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az