Qlobal bazarlarda defolt qorxusu - GÜNƏ BAXIŞ

Qlobal bazarlarda defolt qorxusu - GÜNƏ BAXIŞ

Qlobal bazarlarda defolt qorxusu - GÜNƏ BAXIŞ

ABŞ-da borc limiti müzakirələrinin növbəti raundunda da nəticə əladə olunmaması səbəbilə artan qeyri-müəyyənliklər fond birjalarında ciddi geriləmələrə səbəb olub. Əvəzində isə “cash” dollara tələbin artması fonunda dollar indeksi yenidən 103.50 bənd səviyyəsindəki psixoloji müqavimət həddinə çatıb.

“Buğalar” DXY-ı 103.50 bəndin üzərində saxlaya bilsələr, indeksdə artım tendensiyası daha kəskin xarakter ala bilər.

VTB-də minimal faiz dərəcəsi ilə nağd kredit 10.49%-dən

Qeyd edək ki, Ağ Ev və Respublikaçıların nümayəndələri dünən borc limiti ilə bağlı müzakirələri davam etdirsələr də, bu dəfə də razılıq əldə etmək mümkün olmayıb.

Makroiqtisadi məlumatlara gəldikdə isə, ABŞ-da Sənaye Sektorunda Biznes Aktivliyi İndeksi (PMI) may ayında 1.7 bənd azalaraq 48.5-ə düşüb. Bu isə inkişaf həddi hesab edilən 50.0 bənd səviyyəsindən çox aşağıdır.

Ölkədə yeni ev satışları isə aprel ayında aylıq müqayisədə 4.1% artaraq 683 minə yüksəlib.

Bu gün gün ərzində İngiltərədə inflyasiya göstəriciləri, Amerikada isə FOMC-un son toplantısının protokolları dərc olunacaq. Həmçinin İngiltərə Mərkəzi Bankının sədri Endryu Beylinin və Avropa Mərkəzi Bankının sədri Kristin Laqardın açıqlamaları investorların diqqət mərkəzində olacaq.

Amerikada günü-gündən artan defolt qorxuları nəğd dollara tələbi artırmaqla yanaşı, yaşana biləcək resesssiya ehtimalları da “güvənli liman” olaraq qızıla tələbin artmasına səbəb olub. Beləki, dünən 1954$-a kimi ucuzlaşan qızıl bu səviyyələrdən dəstək alaraq yenidən bahalaşmağa başlayıb. Qiymətli metalın bir unsiya üzrə qiyməti 2000$ səviyyəsinin üzərinə yüksələrsə, artım tendensiyası yenidən bəpa oluna bilər. Hazırda 1977$-dan təklif olunan qızılın qiyməti 1980$-ın üzərində möhkəmlənə bilsə, 1994$ və 2010$-a kimi bahalaşa bilər.

Təhlil İnvestAZ İnvestisiya şirkətinin analitikləri tərəfindən hazırlanıb.

24.05.2023 10:37