Dollar indeksində artım tendensiyası davam edir

Dollar indeksində artım tendensiyası davam edir

Dollar indeksində artım tendensiyası davam edir

ABŞ-da borc limiti ilə bağlı müzakirələr davam edərkən, razılaşma əldə olunacağına dair gözləntilərin artması fonunda dollar indeksində artım tendensiyası davam edir.

Bazarlarda diqqət borc limiti danışıqlarına yönəldiyi bir şəraitdə ABŞ Nümayəndələr Palatasının sədri Kevin MakKarti danışıqlarda bu həftə sonu prinsipial razılaşma əldə edilə biləcəyini və məsələnin gələn həftə Nümayəndələr Palatasında səsə qoyula biləcəyini bildirib.

Senat Çoxluqların lideri Demokrat Çak Şumer də borc limiti ilə bağlı danışıqlarda irəliləyiş olduğunu ifadə edərək, Senatın Nümayəndələr Palatasından dərhal sonra borc limiti ilə bağlı hərəkətə keçəcəyini qeyd edib.

Pul-kredit siyasəti cəbhəsində FED rəsmilərinin açıqlamaları birjalar yön verməyə davam edir. Dallas FED sədri Lori Loqan isə cari məlumatların iyun ayında faiz artımının dayandırılmasının məqsədəuyğun olmadığını ifadə edib.

İnflyasiyanın çox yüksək olduğunu və qiymət sabitliyinin bərpasının çox vacib olduğunu vurğulayan Loqan, FED-in inflyasiya ilə bağlı hələ lazımi irəliləyiş əldə etmədiyini bildirib. Loqan inflyasiyanın kifayət qədər sürətlə aşağı düşüb-düşməməsindən hələ də narahat olduğunu vurğulayıb.

St. Luiz FED sədri Ceyms Bullard da inflyasiyadan “sığorta” olaraq faiz dərəcələrinin daha da artırılmasını dəstəklədiyini qeyd edib.

Makroiqtisadi məlumatlara gəldikdə isə, ABŞ-da ilk dəfə işsizlik müavinəti üçün müraciət edənlərin sayı ötən həftə proqnozlaşdırılandan daha çox azalaraq 242 minə düşüb.

“Philadelphia Fed Manufacturing Index” may ayında mənfi 10.4 bəndilə ehtimalların üzərində açıqlansa da, sektorda daralmanın davam etdiyini göstərdi.

Ölkədə ikinci əl ev satışları da aprel ayında aylıq müqayisədə 3.4% azalaraq gözləntilərin altında qaldı.

Məlumat İnvestAZ İnvestisiya Şirkətinin analitikləri tərəfindən hazırlanıb.

19.05.2023 10:41

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az