FED-in sərt monetar siyasətini davam etdirəcəyinə dair narahatlıqlar aktual olaraq qalır

FED-in sərt monetar siyasətini davam etdirəcəyinə dair narahatlıqlar aktual olaraq qalır

FED-in sərt monetar siyasətini davam etdirəcəyinə dair narahatlıqlar aktual olaraq qalır

ABŞ-da dünən açıqlanan gəlir hesabatlarına görə, ABŞ-ın ən böyük banklarından olan “Goldman Sachs”-ın xalis mənfəəti bu ilin birinci rübündə əvvəlki ilin eyni dövrü ilə müqayisədə 18% azalıb, “Bank of America”-nın xalis mənfəəti isə eyni dövrdə 15% artıb.

ABŞ-ın kosmetika və gigiyenik məhsullar istehsal edən şirkətlərindən “Johnson & Johnson”-un balans hesabatı da şirkətin satışlarının bu ilin birinci rübündə 5.6% artaraq 24.7 milyard dollara çatdığını göstərib.

VTB-də minimal faiz dərəcəsi ilə nağd kredit 9.9%-dən

Digər tərəfdən, ABŞ-da çərşənbə axşamı açıqlanan məlumatlara görə, tikintisinə yeni başlanılan evlərin sayı mart ayında 0.8% azalaraq 1 milyon 420 minə düşməsinə baxmayaraq, proqnozları üstələməyi bacarıb.

Bu amillər investorları ABŞ iqtisadiyyatının tezliklə resessiyaya girəcəyinə dair narahatlıqlarını bir qədər azaltsa da, Federal Ehtiyatlar Sisteminin (FED) sərt monetar siyasətini davam etdirəcəyinə dair narahatlıqlar aktual olaraq qalır.

St. Luiz FED sədri Ceyms Bullard, inflyasiyanın inadla yüksək olaraq davam etdiyinə işarə edən son məlumatlardan sonra faiz artımlarının davam etdirilməsi lazım olduğunu bildirib. Bullard ABŞ iqtisadiyyatının resessiyaya girməsi ilə bağlı fikirlərə də qarşı çıxıb.

Atlanta FED-in sədri Rafael Bostiç də FED-in yüksək inflyasiyanı azaltmaq üçün faiz dərəcələrini artırmağa davam edəcəyini bildirib. İqtisadiyyatın hələ də sürət qazandığını, lakin inflyasiyanın çox yüksək olduğuna diqqət çəkən Bostiç, pul siyasəti sahəsində hələ görüləcək işlərin çox olduğunu qeyd edib.

Nəticədə Dollar İndeksinin major valyutalara qarşısında ucuzlaşması bir qədər səngiyib.

Bu gün isə Avrozonada və İngiltərədə açıqlanacaq inflyasiya göstəriciləri EUR/USD və GBP/USD məzənələrində tendensiyanın formalaşmasında əhəmiyyətli rol oynaya bilər.

Təhlil İnvestAz şirkətinin analitikləri tərəfindən hazırlanıb.

19.04.2023 10:05