28 fevral 2023-cü il tarixinə fəaliyyət göstərən 25 bankın filiallarının sayı 490, şöbələrinin sayı 94, ATM-lərin sayı 3003 olmuşdur. 

Marja Mərkəzi Bankın aylıq Bülleteninə istinadən xəbər verir ki, fevral  ayında bank sektorunda çalışanların sayı 0.7% və ya 170 nəfər artaraq 23 min 40 nəfər təşkil etmişdir.

8 fevral 2023-cü il tarixinə fəaliyyətdə olan bankların cəmi aktivləri 45 milyard 708.6 milyon manat, cəmi öhdəlikləri 39 milyard 972.5 milyon manat, balans kapitalı 5 milyard 736.1 milyon manat olmuşdur.

Fevral ayında bankların kredit portfeli 0.4% və ya 87.4 milyon manat artaraq 19 milyard 757.4 milyon manat olmuşdur. 

Kredit portfelinin strukturu:

biznes kreditləri – 54.8% (1 milyard 835.6 milyon manat), 

 istehlak kreditləri – 29.7% (5 milyard 863.6 milyon manat) 

 ipoteka kreditləri – 15.5% (3 milyard 58.2 milyon manat).

Cəmi kredit portfelində (BOKT-lər və kredit ittifaqları daxil olmaqla) vaxtı keçmiş kreditlərin payı əvvəlki ilin müvafiq dövrünə nəzərən 0.9 faiz bəndi azalaraq 3% təşkil etmişdir.

Öhdəliklərin strukturunda depozit portfeli üstünlük təşkil edir (cəmi öhdəliklərin 81.5%-i və ya 32 milyard 560.8 milyon manat). Depozit portfelinin 64.2%-ni (20 milyard 906.9 milyon manat) hüquqi şəxslərin depozitləri, 35.8%-ni (11 milyard 653.9 milyon manat) fiziki şəxslərin depozitləri (əmanət portfeli) təşkil edir.

Hesabat ayında bankların əmanət portfeli (sahibkarlıqla məşğul olan fiziki şəxslər istisna olmaqla) əvvəlki ilin müvafiq dövrünə nəzərən 18.1% və ya 1 milyard 784.2 milyon manat artaraq 11 milyard 653.9 milyon manat olmuşdur. Əmanət portfelinin 54.4%-i (6 milyard 336.1 milyon manat) müddətli əmanətlərdən ibarətdir. Hüquqi şəxslərin tələbli depozitləri 18 milyard 62.2 milyon manat olmaqla, hüquqi şəxslərin cəmi depozit portfelinin 86.4%-ni təşkil etmişdir.

Fiziki şəxslərin əmanətlərinin dollarlaşması fevral ayında ilin əvvəlinə nəzərən 0.5 faiz bəndi, əvvəlki ilin müvafiq dövrünə nəzərən isə 1.7 faiz bəndi azalaraq 38.7% təşkil etmişdir.

2023-cü ilin yanvar-fevral aylarında banklar 155.7 milyon manat xalis mənfəət, 250.6 milyon manat məbləğində əməliyyat mənfəəti əldə etmişlər. 2022-ci ilin müvafiq dövrü ilə müqayisədə bankların xalis və əməliyyat mənfəəti müvafiq olaraq 45% və 55% artmışdır.