Azərbaycanın təkrarsığorta şirkətinin xalis mənfəəti 10 dəfəyə yaxın artıb - 22,7 MİLYON MANAT QAZANC

Azərbaycanın təkrarsığorta şirkətinin xalis mənfəəti 10 dəfəyə yaxın artıb - 22,7 MİLYON MANAT QAZANC

Şirkətin investisiya gəlirləri 3 dəfədən çox artıb.

Azərbaycanın təkrarsığorta şirkətinin xalis mənfəəti 10 dəfəyə yaxın artıb - 22,7 MİLYON MANAT QAZANC

"AzRe Təkrarsığorta" ASC 2022-ci ili 22 milyon 663 min manat xalis mənfəət ilə başa vurub. Şirkət 2021-ci ili 2 milyon 402 min manat xalis mənfəət ilə bağlamışdı. Beləliklə, 2021-ci illə müqayisədə 2022-ci ildə "AzRe Təkrarsığorta"nın xalis mənfəəti 9,4 dəfə artıb.

Marja.az xəbər verir ki, 2022-ci ildə "AzRe Təkrarsığorta"nın cəmi əməliyyat gəlirləri 48 milyon 502 min manat, cəmi əməliyyat xərcləri 22 milyon 737 min manat, əməliyyat mənfəəti 25 milyon 765 min manat təşkil edib. 2021-ci ildə Şirkətin əməliyyat gəlirləri 62 milyon 933 min manat, əməliyyat xərcləri 59 milyon 416 min manat, əməliyyat mənfəəti 3 milyon 517 min manat təşkil etmişdi.

"AzRe Təkrarsığorta" topladığı təkrar sığorta haqları 2021-ci ildə 31 milyon 878 min manat ikən, 2022-ci ildə 34 milyon 901 min manat təşkil edib (9,5% artıb). Şirkətin investisiya gəlirləri 4 milyon 773 min manatdan 14 milyon 904 min manata yüksəlib (3,1 dəfə artıb).

2021-ci ildə "AzRe"nin cəmi əməliyyat gəlirlərinin daha yüksək olması sığorta ehtiyatından 25 milyon 495 min manatın sığorta ödənişlərinin həyata keçirilməsi üçün gəlirə əlavə edilməsi ilə bağlı olmuşdu. Ötən il Şirkət gəlirindən 2 milyon 294 min manat ehtiyata yönəldib.

"AzRe Təkrarsığorta"nın sığorta ödənişləri 2021-ci ildə 44 milyon 199 min manat ikən, 2022-ci ildə 8 milyon 868 min manata düşüb (5 dəfə azalıb).

“AzRe Təkrarsığorta” ASC Azərbaycan sığorta bazarında birbaşa təkrarsığorta fəaliyyəti ilə məşğul olan şirkətdir. Şirkət, adi əmlak risklərindən kompleks sənaye risklərinə qədər bütün riskləri təkrarsığorta edir.

6 fiziki şəxsə aid olan “AzRe Təkrarsığorta” ASC “Qala Sığorta” ASC-nin (90%), “Qala Həyat” Sığorta Şirkəti ASC-nin (100%) və “Azər Türk Bank” ASC-nin (6,55%) səhmdarıdır.

30.03.2023 07:46

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az