(®) “Memar Əcəmi” metro stansiyasının yaxınlığında yerləşən “McDonald's” restoranı təmirdən sonra qapılarını ziyarətçilərin üzünə açıb.

Modernləşdirilmiş restoran qida sənayesi sahəsində mövcud olan ən son texnologiyaların tələblərinə cavab verən avadanlıqlarla təchiz olunub.

Artan tələbi nəzərə alaraq birinci mərtəbə genişləndirilmiş və hazırda bu filial eyni vaxtda 175 nəfəri qəbul edə bilir. “Human Comfort” dizaynı sayəsində qonaqların restoranda daha rahat və komfortlu vaxt keçirməsi təmin olunub. Həmçinin restoranda “table service” (masa xidməti) tətbiq edilib. Bu xidmətə əsasən qonaqlar kassa aparatları və ya interaktiv özünəxidmət köşkləri vasitəsilə sevimli yeməklərini sifariş edə, sonra isə masa arxasında əyləşərək sifarişi qəbul edə bilərlər.

Aparılan abadlaşdırma işləri nəticəsində restoranın xarici görünüşündə dəyişiklik edilib. Belə ki, yaşıllaşdırma işləri aparılıb, yol infrastrukturu yaxşılaşdırılıb.

Təmir edilmiş “McDonald's” restoranının digər yenilikləri sırasında qonaqlar üçün sifarişin qəbulu prosesini sürətləndirən, daha rahat və təkmilləşdirilmiş formatda “MakAvto” xidmətini göstərmək olar. Burada “Side-by-side” xidmət sistemi fəaliyyətə başlayıb ki, bu da eyni vaxtda iki avtomobildən sifariş qəbul etməyə və bununla da, buraxılış qabiliyyətini artırmağa imkan verir. Bu sistem Azərbaycanda fəaliyyət göstərən “McDonald's” restoranlarında ilk dəfədir tətbiq edilir.

Yenilənmiş restoranda açılmış “McCafe” qəhvə mağazasında yüksək keyfiyyətli dənli qəhvənin və nəfis desertlərin geniş seçimindən yararlana bilərsiniz. “McCafe”nin bütün əməkdaşları qəhvə və onun əsasında müxtəlif içkilərin hazırlanması üzrə xüsusi təlim kursunu keçmiş baristalardır.

Bundan başqa, əvvəlki kimi müştərilərin xidmətində olan “McDelivery” sayəsində sifarişləri “Wolt” çatdırılma xidməti vasitəsilə qısa zamanda əldə edə bilərsiniz.

Ən qabaqcıl ictimai iaşə şəbəkələrindən biri olaraq, hazırda ölkədə 22 restoranı fəaliyyət göstərən “McDonald’s” şirkəti 2000-dən çox Azərbaycan vətəndaşını iş yeri ilə təmin edir.

Şirkət yeni restoranların modernləşdirilməsinə və açılışına sərmayə qoymaqla həm də yerli istehsalın genişlənməsinə, bununla da Azərbaycanda qeyri-neft sektorunun inkişafına ciddi töhfə verir.