"Qafqaz-Kredit"in kredit portfeli kiçilib, faiz gəlirləri azalıb

"Qafqaz-Kredit"in kredit portfeli kiçilib, faiz gəlirləri azalıb

BOKT "Qafqaz-Kredit" MMC 2022-ci ili 39 min manat xalis mənfəət ilə başa vurub. Təşkilat 2021-ci ili 23 min manat xalis mənfəət ilə bağlamışdı.

Marja xəbər verir ki, təşkilatın 2021-ci ildə 262 min manat təşkil etmiş faiz gəlirləri, 2022-ci ildə 254 min manata düşüb. Eyni zamanda, ötən il "Qafqaz-Kredit" 12 manat digər gəlirlər əldə edib.

VTB-də minimal faiz dərəcəsi ilə nağd kredit 10.49%-dən

"Qafqaz-Kredit"in xalis mənfəətinin artmasına digər gəlirləri, eyni zamanda haqq, komissiya, inzibati və digər əməliyyat xərclərinin azaldılması səbəb olub.

BOKT "Qafqaz-Kredit" 31 dekabr 2022-ci il tarixində 879 min 798 manat cəmi kredit portfelinə (müştərilərə verilmiş kreditlər) malik olub. 2021-ci ilin sonunda təşkilatın kredit portfeli 977 min 137 manata çatmışdı.

BOKT “Qafqaz-Kredit” MMC-nin nizamnamə kapitalı 592 min manat təşkil edir.

Qeyd edək ki, BOKT “Qafqaz-Kredit” MMC-nin ilkin təsisçisi olan Danimarka Qaçqınlar Şurası beynəlxalq humanitar təşkilatı 11.10.2010-cu il tarixdə 4880 AZN məbləğində nizamnamə kapitalını, habelə 02.05.2011-ci il tarixdə 243986,54 AZN məbləğində Danimarka Xarici İşlər Nazirliyinin 1997-2002-ci illərdə Gəlir Yaradılması Proqramı çərçivəsində Azərbaycana ayırdığı qrant fondları dövriyyə vəsaitini nizamnamə kapitalına pay şəklində Əminova Xalisə Şahnəzər qızı (33.4% pay), Qurbanov Arif Adil oğlu (33,3% pay) və Rəsulova Züleyxa Nurməmməd qızına (33,3% pay) bağışlayaraq təsisçilik hüququnu milli işçi heyətinə ötürmüşdür. Bağışlama əsasında təsis payına sahib olan hazırki təsisçilər, eyni zamanda, işçi/istehlakçı statusuna malikdirlər və BOKT ilə münasibətləri həm mülki, həm də əmək qanunvericiliyi əsasında tənzimlənir.

27.03.2023 13:35

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az