Azərbaycanın "İlab" MMC şirkəti "Charge Box" adlı elektrik qidalanma stansiyalarının istehsalına başlayıb.

Şirkətin Marketinq və Reklam rəhbəri Zaur Bünyatov Marja.az-a bildirib ki, elektrik qidalanma stansiyaları İtaliya və Çindən idxal olunan hissələr ilə istehal olunur.

Zaur Bünyatov qeyd edib ki, "Charge Box" elektrik qidalanma stansiyaları elektrik avtomobillərin batereyasının qısa müddətdə enerji yığması (şarj edilməsi) üçün bir innovativ yerli məhsuldur. Stansiya 3-4 saat ərzində elektromobili enerji ilə tam qidalandırır. Bu stansiyaları dövlət idarələrində, yaşayış komplekslərində, alış-veriş mərkəzlərində, supermarketlərdə, özəl avtomobil parklarında və fərdi evlərdə quraşdırmaq mümkündür.

"Charge Box" adlı elektrik qidalanma stansiyalarının innovativ tərəfindən danışan Şirkətin baş mühəndisi Dəyanət bəy bildirib ki, bu stansiyaların 1 fazalı gərginliyə də (220 V) qoşulması mümkündür:

"Bu stansiyaları nol-fazaya qoşaraq istifadə etmək mümkündür. Avtomobili normal şəbəkəyə qoşmaqla 8-10 saat civarında bir müddətə tam şarj etmək mümkündürsə, bu cihazın göməyi ilə elektrik avtomobilinin batereyası 3-4 saat ərzində dolur". 

"Charge Box" stansiyalarının divara bərkidilən və yerə bərkidilən versiyaları mövcuddur. Eyni zamanda, stansiya müştərinin istəyinə uyğun dizaynda və ölçüdə yığıla bilər. Cihazları 3 fazalı gərginliyə də qoşmaq mümkündür.

Şirkətin baş mühəndisi əlavə edib ki. stansiyalar Azərbaycanın dövlət standartlarına uyğun istehsal edir.

Elektrik qidalanma stansiyalarının qapalı məkanlar üçün nəzərdə tuluan versiyasının qiyməti 4000 manatdan, açıq məkanlar üçün - yağışa, küləyə və zərbəyə davamlı versiyasının qiyməti isə 6500 manatdan başlayır. Bu qiymətlərə quraşdırılma xidməti də daxildir.

Qeyd edək ki, "Charge Box" adlı elektrik qidalanma stansiyaları ilk dəfə Bakıda Park Bulvar ticarət mərkəzində keçirlən Elektrik Avtomobillərin Sərgisində nümayiş olunur. Maraqlanan şəxslər stansiyalardan sifariş edə bilərlər.

Park Bulvar ticarət mərkəzində təşkil edilən sərgi Martın 13-ü və 14-ündə də davam edəcək.

Əlaqə: +994 50 502 20 23

Bakı, Zaur Nudiraliyev 79, İnnoland, "İlab" MMC