Bu gün qlobal bazarlar üçün çox mühüm olan məlumatlar açıqlanacaq - PROQNOZLAR

Bu gün qlobal bazarlar üçün çox mühüm olan məlumatlar açıqlanacaq - PROQNOZLAR

Bu gün qlobal bazarlar üçün çox mühüm olan məlumatlar açıqlanacaq - PROQNOZLAR

Bu gün Bakı vaxtı ilə saat 17:30-da ABŞ-da fevral ayı kənd təsərrüfatı sektoru xaric məşğulluq, işsizlik nisbəti, orta saatlıq maaş məlumatları açıqlanacaq.

Marja.az xəbər verir ki, yanvar ayında proqnozları üstələməklə 517 min artım göstərən kənd təsərrüfatı sektoru xaric məşğulluğun, keçən ay 205 min artdığı təxmin edilir. Bloomberg-in sorğusuna görə isə, keçən ay kənd təsərrüfatı sektoru xaric məşğulluq 225 min artıb.

VTB-də minimal faiz dərəcəsi ilə nağd kredit 9.9%-dən

İşsizlik səviyyəsinin 3,4 faiz səviyyəsində sabit qalacağı gözlənilir.

Fed sədri Jerome Powell-in açıqlamalarından sonra bu həftə məşğulluq məlumatlarının əhəmiyyəti artıb.

Powell, açıqlanacaq məşğulluq və inflyasiya məlumatlarını gördükdən sonra bu ayın sonunda açıqlanacaq faiz qərarının böyüklüyünü müəyyən edəcəklərini söyləyib və faizlərin artırılması sürətini artırmağa hazır olduqlarını qeyd edib. Açıqlanan məlumatlar tələb edərsə, faiz dərəcələri əvvəllər düşünüldüyündən daha yüksək səviyyələrə qaldırıla bilər.

İqtisadçılara görə, kənd təsərrüfatı xaric məşğulluq məlumatları mart ayında FED-in faiz dərəcələrinin 0,25 və ya 0,50 faiz bənd artırılacağını proqnozlaşdırmaqda əhəmiyyətli olacaq.

Məlumatların proqnozdan aşağı olması vəziyyətində FED-in mart qərarı baxımından qeyri-müəyyən bir mənzərənin ortaya çıxacağına diqqət çəkilir. 14 Martda açıqlanacaq Fevral ayında istehlak inflyasiyası məlumatlarının da bu məsələdə kritik olacağı qeyd edilir.

Əgər kənd təsərrüfatı sektoru xaric məşğulluqda artım 300 mini keçərsə, mart ayında FED tərəfindən faiz dərəcələri 0,50 faiz bəndi artırıla bilər. Bu həftə açıqlanan digər mühüm məşğulluq məlumatları güclü olduğundan, bazarlarda FED-in faiz dərəcələrini daha sürətli artıracağı ehtimalları da yüksəlib.

10.03.2023 11:08