“Araz” supermarketlər şəbəkəsi KSM layihələrində aktiv iştirakına görə 3 nominasiyada mükafat qazandı

“Araz” supermarketlər şəbəkəsi KSM layihələrində aktiv iştirakına görə 3 nominasiyada mükafat qazandı

“Araz” supermarketlər şəbəkəsi KSM layihələrində aktiv iştirakına görə 3 nominasiyada mükafat qazandı

(®) Əmək və Əhalinin Sosial Müdafiəsi Nazirliyi və Nazirliyin tabeliyindəki Dövlət Məşğulluq Agentliyi tərəfindən 2022-ci ilin yekunlarına əsasən korporativ sosial məsuliyyət tədbirlərində aktiv iştirak edən şirkətlər mükafatlandırdı.

DOST İnklüziv İnkişaf və Yaradıcılıq Mərkəzində keçirilən tədbirdə həssas qruplara dəstək məqsədli korporativ sosial məsuliyyət tədbirlərində, onlarla bağlı məşğulluq proqramlarının icrasında aktiv iştirak edən sosial tərəfdaşların fəaliyyəti dəyərləndirildi.

Mükafatlandırılanlar sırasında Veysəloğlu Şirkətlər Qrupunun üzvü “Araz” supermarketlər şəbəkəsi də var. Şirkət ötən ilki nəticələrinə görə “Əlilliyi olan şəxslərin məşğulluğunun təmin olunmasına dəstək verən ən aktiv özəl sosial tərəfdaş”, “Qadınların məşğulluğunun təmin olunmasına dəstək verən ən aktiv özəl sosial tərəfdaş” və “Gənclərin (20 yaşadək) məşğulluğunun təmin olunmasına dəstək verən ən aktiv özəl sosial tərəfdaş” nominasiyalarında təltif olundu.

Xatırladaq ki, 2022-ci il ərzində 3106 nəfər qadın, 1287 nəfər gənc (20 yaşına kimi) və 111 nəfər əlilliyi olan şəxs “Araz” ailəsinə qoşulub.

Mükafatlar “Araz” supermarketlər şəbəkəsinin idarə heyətinin sədri Rəşad İbrahimova təqdim edilib.

Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. Şirkətlər Qrupunun fəlsəfəsi ölkə iqtisadiyyatı və əhali üçün dəyər yaratmaqla qida təhlükəsizliyi və ərzaq təminatının davamlılığına nail olmaqdır.

supermarketlər Araz Dövlət Məşğulluq Agentliyi dost Rəşad İbrahimov Veysəloğlu Şirkətlər Qrupu

24.02.2023 16:15

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az