Fuad Nəcəfli iddialı danışdı - "Naxçıvanlı olduğum üçün buradakı problemləri dərindən bilirəm"

Fuad Nəcəfli iddialı danışdı - "Naxçıvanlı olduğum üçün buradakı problemləri dərindən bilirəm"

Fuad Nəcəfli iddialı danışdı - "Naxçıvanlı olduğum üçün buradakı problemləri dərindən bilirəm"

"Özüm naxçıvanlı olduğum üçün buradakı problemləri dərindən bilirəm".

Bunu Prezidentin Naxçıvan Muxtar Respublikasındakı səlahiyyətli nümayəndəsi Fuad Nəcəfli “Real TV”yə müsahibəsində deyib.

"Prezident İlham Əliyevin tövsiyə və tapşırıqlarına əsasən, xalqla yaxından işləmək, həmçinin indiyə qədər olan problemləri kökündən həll etmək əsas məqsədlərimizdəndir", - səlahiyyətli nümayəndə vurğulayıb.

O xatırladıb ki, Naxçıvanın blokadası başlayan ilk illərdə vəziyyət olduqca çətin idi:

"Lakin sonradan ölkə rəhbərliyinin - ulu öndər Heydər Əliyevin gördüyü tədbirlər nəticəsində Naxçıvan qismən də olsa, blokadanı yara bilib. Nəqliyyat məsələlərində problem yaşansa da, Naxçıvanda qazlaşdırılma aparılıb, əhali elektrik enerjisi ilə tam təmin olunub.

Prezident İlham Əliyevlə görüşdə onun Zəngəzur dəhlizinin açılması ilə bağlı qətiyyətini hiss etdim".

Zəngəzur dəhlizinin həm lokal, həm regional, həm də kontinental şəkildə xidmət göstərəcəyini deyən rəsmi bildirib ki, bu, Naxçıvanın tamamilə blokadadan çıxarılması deməkdir.

XXX

“Naxçıvan Ali Məclisində qəbul edilmiş qanun aktlarında nöqsanlar var”

Fuad Nəcəfli deyib ki, "Naxçıvan Ali Məclisi öz yerində qalır. Orada müzakirələr aparılacaq, qanunvercilik aktları qəbul ediləcək. Təəssüf ki, Naxçıvan Muxtar Respublikasında (Ali Məclisdə - red.) qəbul edilmiş qanun aktları ilə bağlı bir sıra nöqsanlar var”.

Onun sözlərinə görə, həmin nöqsanlar nəticəsində qanun aktlarının yerlərdə işləmə mexanizmi düzgün tənzimlənmir:

“Bu məsələlərə isə Naxçıvan Ali Məclisi baxacaq, çünki onlar Nümayəndəlik ofisinin səlahiyyətində olan məsələlər deyil”.

İllik 12.99%-dən 40 000 AZN-dək zaminsiz komissiyasız kredit!

“Report”

27.12.2022 13:12