VTB Azərbaycan biznes-kreditlər üzrə komissiyanı ləğv edir

VTB Azərbaycan biznes-kreditlər üzrə komissiyanı ləğv edir

VTB Azərbaycan biznes-kreditlər üzrə komissiyanı ləğv edir

VTB-də yüksək depozit faizləri daha çox qazandırır

(®) VTB (Azərbaycan) hüquqi şəxslərin kreditləşdirilməsi şərtlərini sadələşdirib. Bank mikro, kiçik və orta biznes üçün bütün kreditlər üzrə komissiyanı ləğv edib. İlin əvvəlindən ölkədə VTB-nin bu seqmentdə müştərilərinin sayı 60% artaraq 3,8 mini ötüb.

Mikro biznes sahibləri maksimal müddəti 36 ay olan 50.000 manatadək kredit götürə bilərlər. Eyni zamanda, 10 000 manata qədər krediti maliyyə təhlili aparılmadan, 7 000 manata qədər isə zaminsiz almaq mümkündür.

Kiçik və orta biznes üçün kreditlər 50 milyon rus rublunadək və ya manat ekvivalentində 60 ayadək müddətə verilir. Bank həm də Respublika Sahibkarlığın İnkişafı Fondunun xətti ilə illik 5 faizlə, 10 ilədək güzəştli kreditlər də təklif edir.

“Mikro, kiçik və orta biznesin maliyyələşdirilməsi VTB (Azərbaycan) üçün strateji iş sahəsidir. Bu gün bu seqmentdə müştərilərimiz 3,8 mindən çox müəssisədir ki, onların sayı ilin əvvəlindən 60% artıb. Kiçik şirkətlər üçün konveyer kreditləşməsi və avtomatlaşdırma sistemindən istifadə edərək, kreditin alınması prosesini mümkün qədər sadələşdirmişik ki, bu da indi bir gün əvəzinə, yarım saatadək vaxt tələb edir. Eyni zamanda, yüksək işgüzar aktivlik dövründə biz bütün hüquqi şəxslər üçün kreditlərin əlçatanlığını artırmaq qərarına gəldik və kredit üçün müraciət edərkən komissiyanı ləğv etdik”, - deyə VTB (Azərbaycan)-ın İdarə Heyətinin üzvü, Korporativ biznesin inkişafı departamentinin direktoru Tural Hüseynov bildirib.

Yeni şərtləri 31 yanvar 2023-cü il tarixinədək qüvvədədir. VTB (Azərbaycan)-ın korporativ müştəriləri kredit üçün bank filiallarına müraciət edə bilərlər. Siz həmçinin bankın internet saytından və ya 986 əlaqə mərkəzinə zəng edərək məsafədən də müraciət edə bilərsiniz.

23.12.2022 13:22

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az