“Azəriqaz” loqotipini dəyişib
Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin (İB) yeni loqotipi yaradılıb.
İB-nin yaydığı məlumata görə, “Azəriqaz”ın loqotipi şirkətin əsas fəaliyyət istiqamətini – ölkənin təbii qazla təminatçısı olduğunu bildirən korporativ elementdir. Loqotipdə təqdim olunan element qaz plitəsində yanan alov dilini əks etdirir. Onun göy rəngdə olması çatdırılan məhsulun (təbii qazın) “mavi yanacaq” olduğunu, habelə, məhsulun saflığını, təmizliyini və yüksək keyfiyyətini bildirir. Seçilmiş əsas elementin alt hissəsində kiçik hərflərlə brendin adı təsvir olunub.
“Ölkə ərazisində təbii qazın paylanması və satışını həyata keçirən “Azəriqaz” İB müştərilərə xidmət səviyyəsini yüksəltmək, kommunikasiyanı səmərəliləşdirmək üçün əlaqə vasitələrini inkişaf etdirməkdə davam edir. “Azəriqaz” İB xüsusi ilə əhali kateqoriyasından olan müştərilərlə davamlı və çoxşaxəli məlumat mübadiləsinə olan ehtiyacını nəzərə alaraq, son illərdə özünə aid müxtəlif kommunikasiya vasitələrini tətbiq edib. “Azəriqaz”ın özünə aid kommunikasiya vasitələrindən istifadə etməsi sayəsində əhalidən gələn müraciətlər ünvanlı şəkildə daxil olur, buna görə də onların icrası qısa müddətdə aidiyyəti əməkdaşlara tapşırılır. Bununla da, daxil olan müraciətlərin daha operativ işlənilməsi, yaranan problemlərin daha tez həll edilməsi üçün şərait yaradılıb”, - deyə qurumdan bildirilib.
Qeyd edilib ki, “ASAN Xidmət” mərkəzlərində müştərilərinə 17 növdə xidmət göstərən İB, bu ildən etibarən “ASAN Kommunal” mərkəzlərində də fəaliyyətə başlayıb. Yalnız “ASAN Kommunal” və “ASAN Xidmət” mərkəzlərinin vasitəsi ilə, cari ilin ilk yarısında, ümumilikdə, 57 883 müştəri “Azəriqaz” İB-nin xidmətlərindən faydalanıb. Bununla yanaşı, müştərilərlə əlaqələrin gücləndirilməsi, onlara məlumatların operativ çatdırılması məqsədilə www.azeriqaz.az saytı, eyni zamanda, Birliyin Facebook səhifəsi də fəaliyyətini davam etdirir.
Beləliklə, "Azəriqaz" İB-nin özünəməxsus əlaqə vasitələrinin geniş tətbiq olunması nəticəsində həmin əlaqə vasitələrinin xüsusi loqotip və üslubla rəmzləşdirilməsinə zərurət yaranıb.
Bildirilib ki, “Azəriqaz”ın kommunikasiyasını fərqləndirəcək loqotipin yaradılması da daxil olmaqla, korporativ üslubun tərtib olunması bu istiqamətdə atılan ilk addımlardandır. Qeyd edilib ki, vahid korporativ üslub “Azəriqaz”ın hazırkı mövcud strukturuna müvafiq tətbiq olunacaq, heç bir struktur dəyişikliyinə səbəb olmayacaq.
“Müştəri məmnuniyyətini daim ön planda tutan "Azəriqaz" istehlakçılara göstərilən xidmətin keyfiyyətinin artırılması, abonentlərin fasiləsiz, keyfiyyətli təbii qazla təmin olunmaları məqsədilə bundan sonra da müştərilərlə əlaqə vasitələrini inkişaf etdirməyə davam edəcək”, - deyə məlumatda qeyd olunub.
Müştərilərin xəbərləri
“FireWall 2026” hakatonuna start verilir - qalib komandalar 4000 manatadək pul mükafatı ilə təltif olunacaqlar
Dövlət-özəl tərəfdaşlığı çərçivəsində maliyyə savadlılığı və kibertəhlükəsizlik mövzusunda təlim keçirilib
SON XƏBƏRLƏR
- 1 ay sonra
- 4 həftə sonra
-
2 həftə sonra
“Sizin Lombard”ın “36% Qızıl payız” kampaniyası davam edir ®
-
- 10 d. əvvəl
- 22 d. əvvəl
- 1 gün əvvəl
-
1 gün əvvəl
UForex Şəxsi Kabineti: Treyderlər üçün vahid idarəetmə platforması ®
- 1 gün əvvəl
- 1 gün əvvəl
-
1 gün əvvəl
Süni intellekt maliyyə riskləri siyahısında birinci oldu – FED-in sorğusunda üç narahatlıq
-
1 gün əvvəl
Trampın Çin səfərində “Nvidia” ilə bağlı casusluq iddialarını gündəmə gətirəcəyi gözlənilmir
- 1 gün əvvəl
Son Xəbərlər
Boş qalan iş yeri şirkətinizə neçəyə başa gəlir?
İş elanlarına bax - azvak.az
“Sizin Lombard”ın “36% Qızıl payız” kampaniyası davam edir ®
Qızıl daha da ucuzlaşıb – FED-in faiz artıracağı gözlənilir
Noyabrın 15-də gözlənilən hava şəraiti
Qeyri-sabit hava şəraiti ilə bağlı əhaliyə müraciət edildi
Sabahdan Azərbaycanda növbəti istilik mövsümü başlayır
Ən çox oxunanlar
Süni intellekt maliyyə riskləri siyahısında birinci oldu – FED-in sorğusunda üç narahatlıq
Trampın Çin səfərində “Nvidia” ilə bağlı casusluq iddialarını gündəmə gətirəcəyi gözlənilmir
Azərbaycan neftinin son qiyməti
“Starship”in 15-ci sınağı – birinci pillə körfəzdə alovlandı, ikinci pillə uçuşa davam etdi
Nvidia-nın bazar dəyəri 4 trilyon dollardan aşağı düşdü – Huanqın istefası şirkəti sarsıdır
ABB istiqrazlarına investor marağı davam edir: iki buraxılış üzrə sifarişlər 22 milyon manatı keçib























