Yaponiya qiymətləri aşağı salmaq üçün neft ehtiyatlarının bir hissəsini sata bilər

Yaponiya qiymətləri aşağı salmaq üçün neft ehtiyatlarının bir hissəsini sata bilər

Nazirlər Kabinetinin baş katibinin müavini Seiji Kihara bildirib ki, belə bir qərar ABŞ və digər maraqlı ölkələrin, eləcə də Beynəlxalq Enerji Agentliyinin hərəkətləri nəzərə alınmaqla qəbul edilə bilər.

Yaponiya qiymətləri aşağı salmaq üçün neft ehtiyatlarının bir hissəsini sata bilər

Yaponiya hökuməti vəziyyətin inkişafından asılı olaraq strateji ehtiyatlarından əlavə neft satmaq qərarına gələ bilər.

Marja xəbər verir ki, bu barədə cümə axşamı Tokioda keçirilən mətbuat konfransında Nazirlər Kabinetinin baş katibinin müavini Seyci Kihara bildirib.

VTB-də minimal faiz dərəcəsi ilə nağd kredit 9.9%-dən

O, OPEC+ alyansının hasilatı azaltmaq qərarından sonra neftin qiymətinin qalxması perspektivini belə şərh edib:

"Vəziyyətin inkişafından asılı olaraq, ABŞ və digər maraqlı dövlətlərin, eləcə də Beynəlxalq Enerji Agentliyinin hərəkətlərini nəzərə alaraq, Yaponiyanın strateji ehtiyatlarından neftin əlavə satışının xeyrinə qərar verə bilərik".

"Biz neftin qiymətinin yüksək səviyyədə sabitləşməsi perspektivindən narahatıq", - Kihara bildirib. O, əsas neft istehlakçı ölkələri birləşdirən Beynəlxalq Enerji Agentliyi ilə məsləhətləşmələr aparmaq niyyətində olduğunu bildirib.

Bundan əvvəl OPEC+ sazişinin üzvü olan ölkələr Vyanada keçirilən iclasda neft hasilatını noyabr ayından sutkada 2 milyon barel azaltmaq barədə razılığa gəliblər. Ekspertlərin fikrincə, bu qərar yaxın aylarda qiymətlərin bir barel üçün 80 dollardan aşağı düşməsinin qarşısını alacaq.

Bu ilin fevralından may ayına kimi Yaponiya hökuməti bu resursun qiymətlərini aşağı salmaq məqsədilə artıq öz strateji ehtiyatlarından neftin satışı üzrə dörd hərrac keçirib. Əməliyyat ABŞ və digər ölkələrlə əməkdaşlıq çərçivəsində həyata keçirilib.

06.10.2022 08:40