Neft kəskin ucuzlaşıb - QİYMƏT 78 DOLLARADƏK DÜŞDÜ

Neft kəskin ucuzlaşıb - QİYMƏT 78 DOLLARADƏK DÜŞDÜ

Brent markalı neftin qiyməti 86 dollardan, WTI markalı neftin qiyməti isə 79 dollardan aşağı düşüb.

Neft kəskin ucuzlaşıb - QİYMƏT 78 DOLLARADƏK DÜŞDÜ

18: 30 -Cümə günü Londonun ICE birjasında Brent markalı neftin 2022-ci ilin noyabr ayı üçün fyuçers müqaviləsinin qiyməti 24 yanvar 2022-ci ildən bəri ilk dəfə bir barel üçün 86 dollardan aşağı düşüb.

Marja xəbər verir ki, Brent nefti 5,01% dəyər itirərək 85,85 dollar/barelə qədər ucuzlaşdı.

Eyni zamanda WTI markalı neftin fyuçersləri 5,39% ucuzlaşaraq 78,99 dollar/barelə bərabər olub.

XXX

17:52 -Bir çox ölkənin mərkəzi bankının faiz artırması iqtisadiyyat ilə bağlı gözləntiləri pisləşdirdiyindən xam neft qiymətləri 5%-ə yaxın düşüb.

Marja.az xəbər verir ki, Bakı vaxtı ilə saat 17:50-də Brent nefti 4,6% ucuzlaşma ilə 86,44 dollardan, ABŞ xam nefti isə 5,1% ucuzlaşma ilə 79,10 dollardan ticarət olunub.

Qlobal iqtisadiyyatda yavaşlama gözləntiləri daha da güclənib. Həmçinin, Dolların bahalaşması bu valyutada satılan malları investor üçün baha edir.

ABŞ xam nefti (WTI) yanvar ayından bəri ilk dəfə 80 dollardan aşağı düşüb. ICE birjasında Brent markalı neftin qiyməti isə yanvarın 25-dən bəri ilk dəfə bir barel üçün 87 dollardan aşağı düşüb.

ABŞ Federal Ehtiyat Sistemi (FED) çərşənbə günü keçirdiyi iclasda faiz dərəcələrini daha 75 bənd artırıb. Bank üçün inflyasiyanı nəzarət altında saxlamaq iqtisadi böhrandan daha vacibdir. İqtisadçılar bildirərlər ki, iqtisadi böhran olmadan və iş yerləri bağlanmadan inflyasiyanı aşağı salmaq mümkün olmayacaqdır.

Həmçinin, İngiltərə, Norveç və Cənubi Afrika kimi ölkələrin mərkəzi bankları da FED-i təqib edərək faiz artırıblar.

Nigeriyanın energetika naziri Timipre Silva bəyan edib ki, qiymətlər azalmağa davam edərsə, OPEC neft hasilatını yenidən azalda bilər. OPEC+ dünya iqtisadiyyatında yavaşlama ilə bağlı narahatlıqlar səbəbilə qiymətlərin enməməsi üçün bu ay bir ildən çox müddətdə ilk dəfə neft hasilatını azaldıb.

23.09.2022 17:52

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az