(®) Ölkəmizdə bir çox sosial yönümlü layihələrin təşəbbüskarı və dəstəkçisi olan Bank Respublika, "Zəfər" Şəhid Ailələrinə Dəstək İctimai Birliyinin təşkilatçılığı şəhid övladları üçün həyata keçirilən "Zəfər" Yay Məktəbinə dəstək oldu.

İyul - avqust ayları ərzində davam edən layihə müddətində məktəbli şəhid övladları 4 peşə - musiqi, rəsm, fotoqrafiya və aktyorluq üzrə öz bilik və bacarıqlarını inkişaf etdiriblər. Yay məktəbinin bağlanış mərasimi vətənimizin mədəniyyət paytaxtı Şuşa şəhərində baş tutub.

Tədbirdə şəhid ailələri, dövlət və ictimaiyyət nümayəndələri, incəsənət xadimləri, eləcə də Şuşa şəhərinin azad olunması uğrunda döyüşən Bank Respublika əməkdaşları iştirak edib.

Açılış nitqi ilə çıxış edən “Zəfər” Şəhid Ailələrinə Dəstək İctimai Birliyinin sədri Sevinc Alızadə layihə haqqında geniş məlumat verib və layihənin ərsəyə gəlməsində hər kəsə öz təşəkkürünü bildirib.  “Bank Respublika”nın İdarə Heyətinin sədri Tariyel İsmayılov çıxış edərək bu layihənin şəhid övladlarımızın inkişafındakı əhəmiyyətini yüksək qiymətləndirib və şəhid övladlarının Şuşa şəhərində təqdim etdikləri sənət nümunələrinin həyatında xüsusi yer tutacağını vurğulayıb.

Daha sonra şəhid övladlarının hazırladıqları kiçik sənət əsərlər nümayiş olunub və onların iştirakı ilə bədii hissə təqdim olunub. Tədbirin sonunda layihənin bütün iştirakçılarına sertifikatlar və “Bank Respublika”da çalışan qazilər tərəfindən qiymətli hədiyyələr təqdim olunub.

Qeyd edək ki, müharibədən sonra şəhid ailələrinə və qazilərə xüsusi diqqətin göstərilməsi “Bank Respublika”nın sosial layihələrinin əsas istiqamətlərindən biridir. Bank Respublika həmçinin, “YAŞAT” Fondu, “Silahlı Qüvvələrə Yardım Fondu” və “Qarabağ Dirçəliş Fondu”na vəsait ianə edən ilk banklardan biridir.

Daha ətraflı məlumatı bankın rəsmi web saytında, facebook, instagram, linkedin səhifələrində və ya Bankın Çağrı Mərkəzinə 144 nömrəsinə zəng edərək əldə edə bilərsiniz.