Tanınmış azərbaycanlı iş adamının ABŞ-dakı şirkəti böyük startap tədbirinin sponsoru olub

Tanınmış azərbaycanlı iş adamının ABŞ-dakı şirkəti böyük startap tədbirinin sponsoru olub

"Technovate İnvestments" şirkəti Sacramento-da keçirilmiş böyük startap tədbirinə sponsor olub. Bu fəaliyyət Sacramento-da yüksək qiymətləndirilir və böyük rəğbətlə qarşılanıb.

Tanınmış azərbaycanlı iş adamının ABŞ-dakı şirkəti böyük startap tədbirinin sponsoru olub

Qurucusu tanınmış iş adamı, ABŞ-a koçmüş, GoldenPay/Hesab.az və e-Mobile şirkətlərinin təsisçisi olmuş Fərid İsmayılzadə olan "Technovate Investments" şirkəti Kalifornianın paytaxtı Sacramento şəhərində keçirilmiş GFX adlı böyük startap (startup) tədbirinin sponsorlarından biri olub.

Fərid İsmayılzadənin Marja.az-a verdiyi məlumata görə, bu tədbir, ştatın Silikon Vadisindən sonra ən güclü startup ekosistemlərindən biri sayılan Sacramentonın bütün üzvlərini bir yerə toplayan bir tədbirdir. Tədbirdə ekosistemin mələk investorları, vençur fondları, startapları və müxtəlif dövlət nümayəndələri iştirak edib.

Cəmi 3 illik fəaliyyəti nəticəsində "Technovate" Sacramento ekosistemin önəmli oyunçularından birinə çevrilib. Belə ki, Sacramentoda heç bir qurum xaricdən qlobal potensiallı startapları müəyyən edib, onları Sacramentoya köçürməklə onların sürətlə inkişafı ilə məşğul olmur. Bu fəaliyyət Sacramento-da yüksək qiymətləndirilir və böyük rəğbətlə qarşılanır.

Qeyd edək ki, "Technovate" həm də ölkəmizdə startap ekosisteminin inkişafı ilə ciddi məşğul olur. "SABAH Lab" ilə birlikdə təsis edilmiş Mələk İnvestorlar Klubu buna misaldır. Klubun 25 üzvü var və artıq bir necə startapa 100 min dollara yaxın sərmayə yatırılıb. Hazırda Technovate bəzi dövlət qurumları və özəl investorlarla birlikdə bir vençur fondun yaradılması ilə də məşğuldur. Studio modelində işləyən "Technovate" ölkəmizdən basqa Gürcüstanda və Mərkəzi Asiyada fəaliyyət göstərir. Portfelində olan 5 startapdan "unicorn" səviyyəsində (dəyəri 1 milyard dolları keçən) bir "exit"in olması ehtimalı çox yüksək qiymətləndirilir. Startapların təxminən hamısı ilkin mərhələdə sərmayə cəlb edə bilmiş, hətta bəziləri ikinci mərhələdə sərmayələr cəlb etməklə məşğuldur.

31.08.2022 13:27

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az