Beynəlxalq Enerji Agentliyi neftə tələbat artımı proqnozunu yüksəldib

Beynəlxalq Enerji Agentliyi neftə tələbat artımı proqnozunu yüksəldib

Beynəlxalq Enerji Agentliyi (IEA) bəzi ölkələrin enerji istehsalında təbii qazdan neftə keçidi ilə əlaqədar bu il üçün neftə tələbat proqnozunu artırıb. Agentlik 2022-ci il üçün gündəlik neft tələbinin artması proqnozunu 380 min barel artıraraq 2,1 milyon barrelə çatdırıb.

Beynəlxalq Enerji Agentliyi neftə tələbat artımı proqnozunu yüksəldib

Beynəlxalq Enerji Agentliyinin (IEA) avqust ayı hesabatına əsasən, qlobal neft tələbinin 2022-ci ildə sutkada 2,1 milyon barel artaraq 99,7 milyon barelə çatacağını gözləyir. Beləliklə, agentlik tələb artımı ilə bağlı əvvəlki proqnozunu gündəlik 380 min barel artırıb.

Marja xəbər verir ki, qlobal neft tələbatının artımı üçün 2023-cü il proqnozu dəyişməz olaraq 2,1 milyon barel/gün olub.

VTB-də minimal faiz dərəcəsi ilə nağd kredit 10.49%-dən

BEA qeyd edir ki, iyulda dünyada neft hasilatı pandemiyanın başlamasından sonra maksimum həddə çatıb və sutkada 100,5 milyon barel təşkil edib. Agentliyin məlumatına görə, OPEC+ ölkələri iyulda neft hasilatını sutkada 530 min barel, qeyri-OPEC+ ölkələri isə gündəlik neft hasilatını 870 min barel artırıb. Ümumilikdə, ilin sonuna qədər neft tədarükü sutkada daha 1 milyon barel arta bilər.

Beynəlxalq Enerji Agentliyi qeyd edib ki, Yaxın Şərq və Avropada neftə tələb artıb. Rusiya Avropaya qaz axınını məhdudlaşdırdığı üçün bu il təbii qazın qiyməti kəskin artıb. Bu, bir çox sənaye şirkətlərinin yanacaq kimi təbii qazdan neftə keçməsinə səbəb olub.

"Rusiyada neft hasilatı azalacaq" proqnozu

Beynəlxalq Enerji Agentliyi gələn ilin əvvəlində Avropa İttifaqının idxal qadağasının tətbiqi ilə Rusiyada neft hasilatının 20 faiz azalacağı ilə bağlı proqnozunu açıqlayıb. Hesabatda, Rusiyada hasilatın bu aydan etibarən tədricən azalacağı, embarqoların tətbiqi ilə azalmanın daha da sürətlənəcəyi bildirilib.

Avropa İttifaqının Rusiyadan neft idxalına qadağasının dekabrda qüvvəyə minəcəyi gözlənilir.

Rusiyanın neft hasilatı son 3 ayda artıb. İyulda Asiyaya ixracın güclənməsi ilə hasilat gündəlik təxminən 10,8 milyon barelə çatıb.

11.08.2022 14:09

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az