Toyota-dan investorlarını təəccübləndirən mühafizəkar proqnoz

Toyota bu maliyyə ili üçün mənfəət proqnozunu 2,4 trilyon yen səviyyəsində saxlayıb ki, bu da analitiklərin orta hesabla 3,3 trilyon yen proqnozundan aşağıdır. Bu fərqin avtomobil nəhənginin iyunun əvvəlindən 130 yenin üzərində olan dollar/yen məzənnəsini 115 olaraq proqnozlaşdırması ilə bağlı olduğu düşünülür.

Toyota-dan investorlarını təəccübləndirən mühafizəkar proqnoz

Bu il Yapon yeninin dollar qarşısında ucuzlaşmasına baxmayaraq, Toyota, 2022-ci il üçün mənfəət proqnozunu dəyişməyib. Şirkət, ehtiyat hissələrinin tədarükü problemi, artan xammal xərcləri və Çindəki vəziyyətin pisləşməsi səbəbindən avtomobil istehsalı ilə bağlı narahatlıqlarına diqqət çəkib.

Marja xəbər verir ki, Toyota, mart ayında başlayan maliyyə ili üçün mənfəət proqnozunu 2,4 trilyon yen (18 milyard dollar) səviyyəsində saxlayıb. Analitiklərin orta hesabla proqnozu dünyanın ən böyük avtomobil istehsalçısının 3,3 trilyon yen mənfəət əldə edəcəyi istiqamətində idi.

VTB-də minimal faiz dərəcəsi ilə nağd kredit 10.49%-dən

Bildirilir ki, “Toyota” ilə analitiklərin mənfəət proqnozları arasındakı fərq, şirkətin bu maliyyə ili üçün dollar/yen məzənnəsini daha əvvəl 115 səviyyəsində müəyyən etməsilə bağlıdır.

Dollar/yen məzənnəsi iyunun əvvəlindən 130 yen və ya daha yüksək səviyyələrdə əməliyyat olunub və nəticədə Toyotanın ölkə daxili gəlirləri artıb.

Toyota dollar/yen proqnozunu 130-a qədər yeniləyib.

Şirkətin açıqlamasına görə, dollar/yen məzənnəsinin 1 yen artması şirkətin 45 milyard yen daha çox qazanc əldə etməsi deməkdir.

Valyuta məzənnəsinin dəyişməsi gəlirlilik üçün kritik əhəmiyyət kəsb etsə də, səriştəli Toyota digər bir problem ilə də üzləşib. Çində yarımkeçirici qıtlığı, artan xammal xərcləri və fasilələr bütün dünyada avtomobil istehsal xətlərində xaosa səbəb olub.

Toyota, bu maliyyə ili üçün 9,7 milyon avtomobil istehsalı planına sadiq qalacağını açıqlayıb.

04.08.2022 17:52