Qərb ölkələri qlobal enerji böhranının kəskinləşməsindən ehtiyat etdikləri üçün Rusiyanın neft ticarəti imkanlarını məhdudlaşdırmaq üçün nəzərdə tutulmuş yeni sanksiyalar tətbiq etməkdən çəkiniblər.

Marja.az xəbər verir ki, bu barədə bazar günü axşam Britaniyanın “Financial Times” (FT) qəzetinin saytında dərc olunmuş məqalədə deyilir.

Nəşr xatırladır ki, Avropa İttifaqı iyunun əvvəlində öz şirkətlərinə Rusiya nefti daşıyan gəmiləri sığortalamağı qadağan edib, lakin Böyük Britaniya bu təşəbbüsə qoşulmayıb. "Financial Times" qeyd edir ki, hələ may ayında London və Brüssel belə tankerlərin sığortalanmasına birgə qadağa tətbiq etmək barədə razılığa gəliblər, lakin nəticədə Böyük Britaniyada yalnız Rusiya Federasiyasından Krallığın özünə neft daşıyan gəmiləri sığortalamaq qadağan edilib. Qəzetin yazdığına görə, bu, ABŞ-ın neftin qiymətinin kəskin bahalaşmasından və tam qadağaya görə tədarük çatışmazlığının yaranmasından ehtiyat etməsi ilə bağlıdır ki, bu da ən böyük London sığorta bazarı Lloyd's of Londonu dəstəkləyəcək.

“The Financial Times” qeyd edir ki, Avropa Komissiyası tətbiq olunan sanksiyalara istisnalar təqdim edərək, enerji və ərzaq böhranlarını ağırlaşdırmamaq üçün Avropa şirkətlərinə bəzi Rusiya şirkətləri ilə “ciddi zəruri əməliyyatlar” həyata keçirməyə icazə verib.

Lloyd's London təmsilçisi Patrick Davison, nəşrə təsdiqləyib ki, Rusiya neftini Böyük Britaniyada digər ölkələrə tədarük edən gəmilərin sığortalanmasına heç bir qadağa yoxdur, lakin maraqlı tərəflər hökumətlə sıx əməkdaşlıq edir və məhdudlaşdırıcı tədbirlərin genişləndirilməsi halında onun göstərişlərinə əməl edəcəklər. 

Britaniya Xəzinədarlığı qəzetə bildirib ki, onlar hələ də Rusiya neft sənayesinə qarşı görüləcək tədbirlər məsələsini öyrənirlər. “Biz Rusiyaya qarşı yeni sanksiyalar tətbiq etməyə hazırıq və bu tədbirlərin Rusiya iqtisadiyyatına maksimum təsir göstərməsi üçün müttəfiqlərimizlə işləyirik”, - deyə departamentdən bildirilib.