"Avropada hava nəqliyyatı böhranı bir neçə il davam edəcək"

"Avropada hava nəqliyyatı böhranı bir neçə il davam edəcək"

Qatar Airways-dən verilən məlumata görə, nəqliyyatla bağlı vəziyyət hava limanlarında kadr çatışmazlığı səbəbindən mürəkkəbləşib və onu qısa müddətdə həll etmək çətindir.

"Avropada hava nəqliyyatı böhranı bir neçə il davam edəcək"

Avropanın hava nəqliyyatı sənayesində koronavirus pandemiyasının nəticələrinin yaratdığı böhran bir neçə il davam edə bilər.

Marja xəbər verir ki, bu barədə çərşənbə axşamı Britaniyanın "Financial Times" qəzeti yazıb.

Qatar Airways-in baş direktoru Əkbər əl-Baker nəşrə verdiyi müsahibədə "Koronavirus pandemiyası sənaye tədarük zəncirlərini pozub, bunun bərpası bir neçə il çəkəcək. Hava nəqliyyatı böhranı sabah bitməyəcək", - deyib.

Avropanın Airbus təyyarə konsorsiumunun rəhbərliyi də oxşar fikir bildirib. Şirkət hesab edir ki, “xammal, komponentlər, ehtiyat hissələri və elektronika təchizatı ilə bağlı problemlər gələn il də davam edəcək”.

Qatar Airways-in məlumatına görə, daşımalarla bağlı böhran vəziyyəti hava limanlarında kadr çatışmazlığı səbəbindən əhəmiyyətli dərəcədə mürəkkəbləşir və bu, qısa müddət ərzində həlli çətindir. Aviaşirkətin baş direktoru aydınlıq gətirib ki, bu problem bütün Avropada “sistemik xarakter daşıyır”.

Bu yay bir sıra zvropa ölkələrində hava nəqliyyatı sahəsində ciddi problemlər yaşanır. Aprelin əvvəlindən Almaniya, Fransa, Böyük Britaniya, İrlandiya və Norveçdə ümumilikdə on minlərlə aviareys ləğv edilib, aviaşirkətlər yüz milyonlarla dollar itkilər qeydə alıb, KİV-lər isə hava limanlarında uzun gecikmələr və növbələrin olduğunu bildirirlər. Böhranın əsas səbəbi, koronavirus pandemiyası zamanı on minlərlə işçinin ixtisar edildiyi sənayedə işçilərin çatışmazlığıdır. Vəziyyət Avropada maaşların artırılması və iş şəraitinin yaxşılaşdırılmasını tələb edən hava limanı personalının və təyyarə heyətlərinin davam edən tətilləri ilə mürəkkəbləşib.

26.07.2022 11:24

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az