Beynəlxalq Enerji Agentliyi təbii qaza tələbatın azalacağını gözləyir

Beynəlxalq Enerji Agentliyi təbii qaza tələbatın azalacağını gözləyir

Beynəlxalq Enerji Agentliyi təbii qaza tələbatın azalacağını gözləyir

Beynəlxalq Enerji Agentliyi (IEA) Rusiyanın Ukraynaya hücumu və tətbiq edilən sanksiyaların səbəb olduğu yüksək qiymətlər səbəbindən qlobal təbii qaz tələbatının azalacağını gözləyir.

Bildirilir ki, qiymət artımı və Rusiyadan gələn qazın kəsilməsi təhlükəsi istehlak "iştahını" azaltdığından qarşıdakı üç il ərzində təbii qaz tələbatında azalma ola bilər.

Beynəlxalq Enerji Agentliyi (IAA) rüblük bazar hesabatında bildirib ki, Asiyada iqtisadi yavaşlama Şimali Amerikanın canlı bazarlarına kölgə saldığından qazdan istifadənin 5 faiz azalacağını gözləyir.

IEA 2021-2025-ci illər üçün 170 milyard kubmetr olacağını gözlədiyi qlobal təbii qaz tələbatını 140 milyard kubmetrə qədər yenidən nəzərdən keçirib, 2024-cü il üçün qlobal tələb artımı proqnozlarını da əvvəlki ilə müqayisədə 60 faiz azaldıb.

Parisdə yerləşən agentliyin hesabatında deyilir: “Bugünkü rekord qiymətlər və tədarükün pozulması qazın etibarlı və sərfəli reputasiyasına xələl gətirir. Avropada qaz qiymətləri bir il əvvəllə müqayisədə üç dəfədən çox artıb. Bu, regionda son illərdəki ən pis yaşayış vəziyyətini daha da pisləşdirib və Rusiya yanacağını mayeləşdirilmiş təbii qaz (LNG) kimi alternativlərlə əvəz etməyə tələsməyə səbəb olub”.

Hesabata görə, LNG ixracının artması ilə Rusiyadan boru kəmərilə Avropaya qaz axınının hələlik 2022-ci ildə 40 faiz azalacağı gözlənilir. Avropada yanacağa tələbatın bu il təxminən 9 faiz azalacağı və 2020-ci il səviyyəsindən aşağı düşəcəyi gözlənilir.

IEA bu il qlobal LNG ticarətinin 5 faiz artacağını gözləyir. Bu nisbət 2021-ci ildə görülən artım tempindən bir qədər aşağıdır.

05.07.2022 13:33

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az