"İnflyasiyanın düşməsi üçün işsizlik artmalıdır"

"İnflyasiyanın düşməsi üçün işsizlik artmalıdır"

ABŞ-ın keçmiş maliyyə naziri və Harvard Universitetinin professoru Lourens Summers bildirib ki, inflyasiyanın düşməsi üçün ABŞ-da işsizlik beş il ərzində 5 faizdən yuxarı olmalıdır. Summers həmçinin 1970-1980-ci illərdəki kimi aqressiv sərt pul siyasəti dövrü üçün çağırışını təkrarlayıb.

"İnflyasiyanın düşməsi üçün işsizlik artmalıdır"

ABŞ-ın keçmiş maliyyə naziri Lourens Summers ABŞ-da yüksək inflyasiya ilə bağlı fərqli bir təhlil dilə gətirib.

Marja xəbər verir ki, Londonda çıxış edən Summers bildirib ki, ABŞ-da inflyasiyanın aşağı düşməsi üçün beş il ərzində işsizlik 5 faizdən yuxarı olmalıdır.

VTB-də minimal faiz dərəcəsi ilə nağd kredit 10.49%-dən

“Başqa sözlə desək, inflyasiyanın aşağı düşməsi üçün işsizliyin iki il ərzində 7,5 faizdən, beş il ərzində 6 faizdən və ya 1 il ərzində 10 faizdən yuxarı olmasını görməliyik”, - Summers bildirib.

Həmçinin Summers, aqressiv sərt şərtlər üçün (Fed-in daha çox faiz artırması və s.) əvvəlki çağırışlarını təkrarlayıb. Sammers bəyan edib ki, ABŞ inflyasiyaya nəzarət etmək üçün Paul Volkerin rəhbərliyi altında həyata keçirilən sərt sərtləşdirmə dövrünü təkrar etməlidir.

Volker sərt tənəzzül yaratmışdı

1979-cu ildə Cimmi Karterin dövründə vəzifəyə təyin edilən Volker, 1983-cü ildə Ronald Reyqanın dövründə ikinci dəfə Fed sədri təyin edilib.

Sədr kimi ilk dövründə Volker ikirəqəmli səviyyələrə çatan inflyasiyaya nəzarət etmək üçün faiz dərəcələrini görünməmiş səviyyəyə olan 21,5 faizə qaldırmışdı.

Volkerin rəhbərliyilə Fed-in faiz artırmasından sonra işsizlik nisbəti 10,8 faizə yüksəlmiş və iqtisadiyyat tənəzzülə girmişdi. İnflyasiyanın düşdüyü zaman yaratdığı ziyana görə Volker də saysız-hesabsız düşmənlər qazanmış, fermerlər traktorları ilə Fed binası qarşısında etiraz aksiyası keçirmiş, avtomobil satıcıları isə sata bilmədiklərini əsas gətirərək etiraz olaraq avtomobillərinin açarlarını ona göndərmişdilər.

1983-cü ildə inflyasiya 4 faizdən aşağı düşəndə ona qarşı reaksiya da azalıb. Volkerin addımları hələ də müzakirə olunsa da, o vaxtdan bəri inflyasiya nəzarət altında idi.