Yellen: Önümüzdəki aylarda inflyasiya yavaşlayacaq

Yellen: Önümüzdəki aylarda inflyasiya yavaşlayacaq

ABŞ-ın maliyyə naziri Janet Yellen inflyasiyanın yaxın aylarda azalacağını, eyni zamanda ABŞ-da tənəzzülün qaçılmaz olmadığını bildirib.

Yellen: Önümüzdəki aylarda inflyasiya yavaşlayacaq

ABŞ maliyyə naziri Janet Yellen inflyasiya ilə bağlı nikbin mesajlar verib, ABŞ prezidenti Co Baydenin tənəzzüllə bağlı fikirlərini də dəstəkləyib.

Yellen ABC-yə deyib ki, ABŞ-da inflyasiya qismən Rusiya-Ukrayna müharibəsi səbəbindən qəbuledilməz dərəcədə yüksəkdir. ABŞ-da inflyasiyanın yerli deyil, qlobal proseslərdən təsir gördüyünü vurğulayan Yellen, önümüzdəki aylarda inflyasiyanın sürətinin azalacağını bildirib.

VTB-də minimal faiz dərəcəsi ilə nağd kredit 10.49%-dən

Yellen iqtisadi fəaliyyətə istehlak xərclərinin güclü olaraq qaldığını və ölkədə tənəzzülün qaçılmaz olmadığını (qarşısını almaq olar) bildirib.

Bayden: Tənəzzülün qarşısını almaq olar

ABŞ-da son 40 ildə pik həddə olan inflyasiya və FED-in inflyasiya ilə mübarizə üçün başlatdığı aqressiv sərtləşdirmə dövrü ölkədə resessiya narahatlıqlarını artırsa da, ABŞ prezidenti Co Bayden tənəzzülün qaçılmaz olmadığını bildirib.

Bayden keçən həftə AP-yə verdiyi müsahibədə maliyyə naziri Janet Yellen və digər müşavirlərinin 15 ay əvvəl qəbul edilən epidemiyanın iqtisadi təsirləri ilə mübarizə planının inflyasiyaya marjinal təsir göstərə biləcəyini də deyib.

ABŞ-da tənəzzüllə bağlı narahatlıqlar FED-in son 28 ilin ən kəskin faiz artımından sonra artmağa başlayıb.

"Wall Street" institutları pul siyasətinin kəskin sərtləşdirilməsinin (faizlərin artırılmasının) iqtisadi aktivliyə mənfi təsir edəcəyi qənaətindədir.

Wells Fargo, 2023-cü ilin ortalarına qədər mülayim bir tənəzzül proqnozlaşdırıb. Bank inflyasiyanın istehlakçıların alıcılıq qabiliyyətini azaldacağını və FED-in inflyasiya ilə mübarizə üçün addımlar atacağını, beləliklə də iqtisadiyyatı tənəzzülə sürükləyəcəyini bildirib.

Tənəzzül (resessiya) - ümumi daxili məhsulun iki və ya daha çox rüblük ardıcıl olaraq azaldığı vəziyyətdir.