“PAŞA Bank”ın dəstəyi ilə Azərbaycanda yeni metal istehsalı zavodu işə salınıb

“PAŞA Bank”ın dəstəyi ilə Azərbaycanda yeni metal istehsalı zavodu işə salınıb

“PAŞA Bank”ın dəstəyi ilə Azərbaycanda yeni metal istehsalı zavodu işə salınıb

Ölkənin aparıcı korporativ maliyyə institutu “PAŞA Bank” qeyri-neft sektorunda biznesin inkişafını dəstəkləməklə, ölkə iqtisadiyyatının şaxələndirilməsinə öz töhfəsini verməyə davam edir.

Bankın yaydığı məlumatda bildirilir ki, iyun ayının 3-də “PAŞA Bank”ın maliyyə dəstəyi ilə Sumqayıt şəhərində yerləşən polad pəstah istehsalı zavodu istifadəyə verilib. Yeni müəssisənin işə salınması həm yerli bazarın ehtiyaclarının qarşılanmasında, həm də ixracat baxımından böyük əhəmiyyət kəsb edir. Regionda metal məmulatlarının istehsalı və satışı üzrə ixtisaslaşan “Unimetal MMC”yə məxsus olan müəssisənin ən müasir avadanlıqlarla təchiz olunması istehsal prosesini ətraf mühitə dəyən zərərin minimuma endirilməsi ilə həyata keçirməyə imkan verir.

“PAŞA Bank”ın idarə heyətinin sədri səlahiyyətlərini icra edən Cavid Quliyev Bank ilə “Unimetal MMC” arasındakı əməkdaşlığın nəticəsində yeni müəssisənin işə salınmasını ölkəmizin qeyri-neft sektorunun inkişafı üçün növbəti uğurlu addım hesab edir.

“Fəaliyyətinin 15-ci ilini qeyd edən “PAŞA Bank” milli iqtisadiyyatının şaxələndirilməsinə öz töhfəsini verməyi və real sektorun dayanıqlı inkişafının təmin edilməsi üçün bütün zəruri tədbirlərinin həyata keçirilməsini davam etdirməyi planlaşdırır. Nəinki ölkəmizin, həm də regionun metal məmulatlarının aparıcı istehsalçısına çevrilən “Unimetal MMC” ilə əməkdaşlığımız da bunun bariz nümunəsidir. Əminəm ki, bu əməkdaşlıq daha böyük təşəbbüslərə yol açacaqdır”, - deyə Cavid Quliyev bildirib.

Qeyd edək ki, “Unimetal" MMC Azərbaycanda tikinti, maşınqayırma, kənd təsərrüfatı, neft-qaz və digər sahələr üçün müxtəlif çeşidli metal məhsulların, eləcə də konstruksiyaların təchizatçısıdır. Şirkət Azərbaycanın 30-dan çox rayonunda distribütor şəbəkəsinə sahibdir.

08.06.2022 12:20

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az