Dünya Bankı qlobal iqtisadiyyatın artımı üzrə proqnozunu azaltdı

Dünya Bankı qlobal iqtisadiyyatın artımı üzrə proqnozunu azaltdı

Ukrayna iqtisadiyyatında 45,1%, Rusiya iqtisadiyyatında isə 8,9% azalma gözlənilir.

Dünya Bankı qlobal iqtisadiyyatın artımı üzrə proqnozunu azaltdı

Dünya Bankı (DB) bir sıra mühüm məlumatların yer aldığı "Qlobal İqtisadi Proqnozlar" hesabatını dərc edib.

Dünya Bankı Rusiyanın Ukraynaya hücumundan sonra ərzaq böhranı və staqflyasiya gözləntiləri səbəbindən qlobal artım proqnozunu aşağıya doğru yenidən nəzərdən keçirib.

Marja.az hesabatdən mühüm hissələri təqdim edir:

▪️Neft qiymətləri son iki il ərzində ən aşağı həddən 350% artıb ki, bu da 1973-cü ildən bəri ən böyük iki illik artım olub;

▪️DB avrozona iqtisadiyyatının artımı ilə bağlı proqnozu 2022-ci ildə 2,5%-ə, 2023-cü ildə isə 1,9%-ə endirib;

▪️DB ABŞ-ın ÜDM artımı proqnozunu 2022-ci ildə 2,5%-ə, 2023-cü ildə isə 2,4%-ə endirib;

▪️Rusiya Federasiyasının ÜDM-i 2022-ci ildə 8,9% və 2023-cü ildə 2% azalacaq, 2024-cü ildə yenidən 2,2% artım gözlənilir;

▪️Dünya Bankı bu il qlobal iqtisadiyyatın inkişafı üzrə proqnozunu 4,1%-dən 2,9%-ə endirib;

▪️DB Çin iqtisadiyyatının artımı ilə bağlı proqnozu 2022-ci ildə 4,3%-ə, 2023-cü ildə isə 5,2%-ə endirib;

▪️Dünya Bankı bu il Ukrayna iqtisadiyyatında 45,1% azalma, gələn il isə 2,1% artım proqnozlaşdırır.

▪️Qurum Türkiyə iqtisadiyyatının bu il 2,3 faiz, 2023-cü ildə isə 3,2 faiz böyüməsini gözləyir.

Bankın "Qlobal İqtisadi Perspektivlər" adlı hesabatında dünya iqtisadiyyatında son 80 ildən çox müddətdə ən böyük yavaşlamanın qeydə alınacağı proqnozlaşdırılıb.

Dünya Bankının prezidenti David Malpass deyib: "Ukraynadakı müharibə, Çindəki karantin tədbirləri, təchizat zəncirindəki problemlər və staqflyasiya riski iqtisadi artıma təzyiq edir. Tənəzzüldən xilas olmaq bir çox ölkələr üçün problem olacaq".

07.06.2022 18:44