Qlobal bazarlar ABŞ-ın məşğulluq məlumatlarını gözləyir

Qlobal bazarlar ABŞ-ın məşğulluq məlumatlarını gözləyir

May ayında ABŞ-da kənd təsərrüfatı xaric məşğulluğun 325 min artdığı, işsizlik nisbətinin 3,5%-ə düşdüyü proqnozlaşdırılır. Apreldə ABŞ-da kənd təsərrüfatı xaric məşğuluq 428 min artmış, işsizlik nisbəti 3,6% təşkil etmişdi.

Qlobal bazarlar ABŞ-ın məşğulluq məlumatlarını gözləyir

ABŞ-da özəl sektorun məşğulluq məlumatları proqnozdan aşağı açıqlandıqdan sonra qlobal bazarlar diqqətini kənd təsərrüfatı xaric məşğulluq, işsizlik və maaş məlumatlarına fokuslanıb.

Marja.az xəbər verir ki, Fed-in sərt pul siyasəti bəyanatlarına baxmayaraq, birjalar həftənin son ticarət günündə toparlanmağa çalışır.

Yaponiya və Cənubi Koreyada səhmlər mülayim yüksəliş göstərib. Honq-Konq və Çin bazarları isə bu gün bağlıdır.

Cümə axşamı ABŞ səhmləri texnoloji şirkətlərin dəstəyilə nəzərəçarpacaq bir bərpa yaşayıb.

ABŞ-ın 10 illik istiqrazlarının gəlirliliyi iki əsas bənd artaraq 2,92% təşkil edib. Bloomberg Dollar İndeksi 1,225 səviyyəsində sabitdir.

Dünyanın gözü Bakı vaxtı ilə saat 16:30-da açıqlanacaq ABŞ-ın kənd təsərrüfatı sektoru xaric məşğulluq məlumatlarındadır. ADP özəl sektor məyusedici məşğulluq məlumatlarından sonra may ayında ABŞ iqtisadiyyatında 325 min qeyri-kənd təsərrüfatı iş yerinin yaradıldığı təxmin edilir. İşsizliyin 3,6 faizdən 3,5 faizə enəcəyi gözlənilir.

ABŞ Mərkəzi Bankının (Fed) iyun və İyul aylarında hər birində 0,50 bənd olmaqla faiz artıracağı, sentyabr ayında isə faiz artırmağa fasilə verə biləcəyi qeyd olunub.

Sonra FED-in sədr müavini Lael Brainard, faizin artırılmasını dayandırmaq üçün heç bir səbəb görmədiyini söyləyib. İyun və iyul aylarında 0,50 bənd artımın lazımlı olduğunu qeyd edən Brainard bunları söyləyib:

"2 faizlik inflyasiya hədəfimizə çatmaq üçün çox işimiz var”.

Fed may ayında faiz dərəcəsini 0,50 bənd artırıb.

Atlanta Fed-in prezidenti Raphael Bostic, əldə edilən məlumatlara görə, faiz artımlarının sentyabr ayında dayandırıla biləcəyini açıqlayıb.

Həmçinin oxu

Dolların dünya birjalarında ucuzlaşdığı müşahidə olunur - GÜNƏ BAXIŞ

03.06.2022 09:44

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az