Hindistan şirkətlərinin Azərbaycana ixrac missiyası təşkil olunacaq

Hindistan şirkətlərinin Azərbaycana ixrac missiyası təşkil olunacaq

Hindistan şirkətlərinin Azərbaycana ixrac missiyası təşkil olunacaq

Bu ilin sentyabr ayında Hindistan şirkətlərinin Azərbaycana ixrac missiyasının təşkili nəzərdə tutulur.

Bu barədə Hindistanın Azərbaycandakı səfirliyinin birinci katibi Vinay Kumar “APA-Economics”in sualını cavablandırarkən bildirib ki, səfirlik tərəfindən Hindistanın müxtəlif palataları, dövlət qurumları və özəl şirkətləri Azərbaycana nümayəndə heyəti ilə səfər etmələrinə dair dəvət olunublar:

VTB-də minimal faiz dərəcəsi ilə nağd kredit 9.9%-dən

“Bu yaxınlarda dörd Hindistan şirkəti Azərbaycanda keçirilən “İnterFood” sərgisinə qatıldılar. Onlar daha çox düyü ixracı ilə məşğuldurlar. Onlar sərgidə iştirak zamanı bir çox yerli şirkətlərlə əməkdaşlıq məsələləri müzakirə ediblər. Burada təkcə düyü yox, həmçinin digər məhsulların da Azərbaycana idxalı müzakirə olunub. Bildiyiniz kimi pandemiya ilə əlaqədar vizaların verilməsi yenicə bərpa olunub. İxrac missiyasına gəldikdə isə, Hindistan şirkətlərinin Azərbaycana sentyabr ayında gələcəkləri nəzərdə tutulur”, - deyə Vinay Kumar qeyd edib.

Hindistan Azərbaycan iqtisadiyyatına 1,5 mlrd. dollara yaxın investisiya yatırıb

Hindistanın Azərbaycan iqtisadiyyatına yatırdığı investisiyaların ümumi həcmi 1,5 mlrd. ABŞ dollarına çatır.

Bu barədəHindistanın Azərbaycandakı səfirliyinin birinci katibi Vinay Kumar deyib.

Onun sözlərinə görə, təkcə Hindistanın ən iri Neft və Qaz Korporasiyası (ONGC) tərəfindən bu günədək yatırılan investisiyaların həcmi 1,2 mlrd. dollar təşkil edir.

“Digər iş adamlarının yatırımlarını nəzərə almaqla isə bu rəqəm təxminən 1,5 mlrd. dollar təşkil edir”, - deyə Vinay Kumar qeyd edib.

O həmçinin əlavə edib ki, hazırda yüzlərlə Hindistan şirkəti Azərbaycanda neft-qaz mühəndisliyi, ketrinq, qida, turizm, restoran biznesi sahəsində fəaliyyət göstərir:

“Bununla yanaşı biz mütəmadi olaraq Hindistan şirkətlərini Azərbaycandakı Sənaye Parklarının mövcud imkanları barədə məlumatlandırırıq".

KREDİTİ ONLAYN əldə et – 30 000 AZN-dək, 0% komissiya

25.05.2022 16:31