"Aeroflot tezliklə bəzi təyyarələri ehtiyat hissələri üçün sökməyə başlaya bilər"

"Aeroflot tezliklə bəzi təyyarələri ehtiyat hissələri üçün sökməyə başlaya bilər"

"Aeroflot tezliklə bəzi təyyarələri ehtiyat hissələri üçün sökməyə başlaya bilər"

Rusiyanın "Aeroflot" aviaşirkəti ehtiyat hissələrinin çatışmazlığı səbəbindən üç ay ərzində bəzi təyyarələri ehtiyat hissələri üçün sökməyə başlaya bilər.

Marja.az xəbər verir ki, bu barədə bazar günü ekspert hesablamalarına istinadən "Boomberg" məlumat yayıb.

Agentlik yazır: "Şirkətin 350-dən çox təyyarəsinin əksəriyyəti Airbus və Boeing modelləridir. Daşıyıcı gözlənilən ehtiyat hissələri çatışmazlığı ilə üz-üzədir. Mütəxəssislər aviaşirkətin inventarının üç ay ərzində kifayət edəcəyini hesablayırlar, bundan sonra şirkət, bir sıra təyyarəni hissələr üçün sökməyə başlaya bilər".

Nəşrin fikrincə, xaricdən gətirilən modellərin Rusiya istehsalı olan təyyarələrlə əvəzlənməsi qıtlığı kompensasiya edə bilməyəcək.

ABŞ-ın birtərəfli sanksiyaları ilə əlaqədar aprelin 7-də Aeroflotun mətbuat xidmətinin verdiyi məlumata görə, şirkət uçuş proqramına uyğun olaraq fəaliyyətini davam etdirir. Mətbuat xidməti daşıyıcının istənilən şəraitdə işləyəcəyini vurğulayıb.

Aprelin 7-də ABŞ Ticarət Departamenti Aeroflot, Utair və Azur Air şirkətlərini nəinki ABŞ-dan məhsul almaq imkanından məhrum edib, həm də digər ölkələrdən Amerika mallarının təkrar ixracını qadağan edib. Sanksiyaların müddəti 180 gündür və uzadıla bilər. Fevralın 24-də ABŞ Rusiyaya aviasiya məhsullarının ixracına məhdudiyyətlər qoyub. ABŞ-da istehsal olunan və ya Amerika istehsalı olan hissələrin 25% -dən çoxunu ehtiva edən bütün təyyarələrin Rusiya və ya Belarusa çatdırılması planlaşdırılırsa xüsusi lisenziya alınmlıdır.

23.05.2022 08:53

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az