Figaro: "Aİ yaxın 6-8 ay ərzində Rusiyadan neft idxalını mərhələli şəkildə dayandırmaq niyyətindədir"

Qəzetin yazdığına görə, embarqo layihəsi baxılmaq üçün Aİ-nin 27 ölkəsinə təqdim edilməlidir.

Figaro: "Aİ yaxın 6-8 ay ərzində Rusiyadan neft idxalını mərhələli şəkildə dayandırmaq niyyətindədir"

Avropa İttifaqında (Aİ) hazırlanmaqda olan embarqo layihəsi yaxın 6-8 ay ərzində Rusiya Federasiyasından neft idxalının mərhələli şəkildə dayandırılmasını nəzərdə tutur.

Marja.az xəbər verir ki, bu barədə çərşənbə axşamı "Fiqaro" qəzeti avropalı diplomatik mənbələrə istinadən məlumat yayıb.

Onların fikrincə, embarqo layihəsi baxılmaq üçün Aİ-nin 27 ölkəsinə təqdim edilməlidir. Onların bəziləri Rusiya neftindən imtinanın məqsədəuyğunluğuna şübhə ilə yanaşır.

Qəzetin yazdığına görə, Avropa Komissiyası öz növbəsində Rusiya Federasiyasına qarşı altı-səkkiz ay ərzində Avropa ölkələrinin neft alışının mərhələli şəkildə dayandırılmasını nəzərdə tutan altıncı sanksiyalar paketinin hazırlanmasını başa çatdırıb. Eyni zamanda, 2023-cü ilə qədər alışları davam etdirə biləcək Macarıstan və Slovakiya üçün istisnaların edilməsi təklif edilir.

Brüsseldə mövcud olan prosedura görə, sanksiyalar layihəsi əvvəlcə Avropa Komissiyası tərəfindən təsdiqlənməlidir, daha sonra onlar Aİ-nin 27 dövlətinin səfirlərinə baxılmaq üçün təqdim olunmalı və səfirlər sanksiyaları təsdiq etdikdən sonra Aİ Şurası xarici işlər nazirlərinin səviyyəsi təsdiq edilməlidir. Əvvəllər sanksiyalar yalnız yekun təsdiq edildikdən sonra rəsmən elan edilirdi. Bununla belə, bu ilin mart ayından etibarən Avropa Komissiyasının rəhbəri Ursula fon der Leyen Avropa Komissiyası tərəfindən təsdiqləndikdən dərhal sonra təsdiqlənməmiş sanksiya təklifləri dəstini açıq elan etməyə başlayıb. Diplomatik mənbələrinə görə, bu, Aİ ölkələrinə əlavə təzyiq göstərmək, onları artıq elan edilmiş tədbirlər faktı qarşısında qoymaq üçün edilir.

03.05.2022 21:43

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az